Krîza siyasî ya navbera rêveberiya Libnan û Erebîstana Siûdî mezin dibe.
Piştî Wezîrê Ragihandinê yê Libnanê Hûsiyên li Yemenê xwediyê welat nîşan da, Riyadê bertekên tund nîşan da.
Erebîstana Siûdî balyozê xwe yê li Libnanê vegerand welat û ji bo derketina yê Libnanê ji welat jî 48 saet dem diyar kir.
Bahreyn û Kuweytê jî piştevaniya Siûdiyê kir û ji bo derketina balyozên Libnanê 2 roj dem diyar kir.
Libnan ya ku bi krîza aborî û siyasî re nava aloziyê de ye, niha jî serê xwe bi welatên Ereban re ketiye belayê.
Di navbera Erebîstana Siûdî, Kuweyt, Bahreyn û Libnanê de aloziya siyasî derketiye.
Ji ber helwesta Libnan ya li dijî Riyadê, hersê welatan bertekên tund nîşanî rêveberiya Beyrûtê dan.
Erebîstana Siûdî li ser mijarê daxuyaniyek nivîskî parve kir.
Di daxuyaniyê de tê gotin, Riyadê bang li balyozê xwe y li Libnanê kiriye û ji balyozê Libnan yê li welat jî xwestiye ku di nava 48 saetan de derkeve.
Riyadê diyar kir ku ev biryar wê ziyanê negihîne Libnanî û malbatên wan yên li welat.
Li gorî daxuyaniya rêveberiya Riyadê ku di ajansa fermî SPA de hatî weşandin wiha hat gotin,
Heta fermanek nû hemû derhanîn (îthalat)ên ji Libnanê hatin rawestandin.
Riyadê di daxuyaniya xwe de êrişî Hizbulahê kir û got,
Hizbullah ziyanê digihîne têkliyên Riyad û Beyrûtê.
Hizbillah derbarê Libnanê de biyaran dide û ew kiriye navenda projeyên xwe.
Piştî Wezîrê Ragihandinê yê Libnanê George Kordahi di bernameyek Televsionê de, Hûsiyên li Yemenê weke xwediyê xwelat diyar kir, Riyadê bertek nîşan da.
Kordahî got,
Pêwiste şerên li welat (Yemen) bidawî bibe.
Xanî, gund û bajaran dibin hedefa balafiranên şer.
Her çiqasî Serokwezîrê Libnanê Necib Mikatî ev gotin, weke helwesta kesî ya Kordanhî diyar kiribe jî lê nekarî Riyadê razî bike.
Kuweytê ji bo derketina balyozê Libnanê 48 saet dem da
Aloziya navbera Riyat û Beyrûtê tenê bi van welatan re sînordar nema.
Kuweytê balyozê xwe yê li Libnanê xwest ku vegere welat.
Wezareta Karên Derve ya Kuweytê li ser mijarê bi daxuyaniyekê ragihand ku wan daxwaza vegera balyozê xwe kirine û ji bo derketina balyozê Libnan yê li welat jî 48 saet dem diyar kiriye.
Bahreyn ji bo derketina balyozê Libnanê 48 saet dem diyar kir
Bahreynê jî li ser heman mijarê helwesta xwe diyar kir.
Wezareta Karên Derve ya Bahreynê diyar kir ku helwesta rêveberên Libnan ya di nava demên dawiyê de tên kirin nayê qebulkirin.
Wezaretê ji bo derketina balyozê Libnanê ji welat 48 saet dem diyar kir.
