Dewleta Tirk ya dagirker ku li pêşberî berxwedana gerîlayan têk diçe di van demên dawiyê de çekên kîmyewî bikartîne…Heta niha gelek caran bang li şandeyên navnetewî hatiye kirin ku li cihê buyerê lêkolînan bikin…Ji fermandarên HPG’ê Doktor Bager Baran diyar kir ku dewleta Tirk cureyên cuda yên çekên kîmyewî li dijî hêzên gerîla bi kar tîne..Dr. Baran bang li saziyên pêwendîdar kir ku lêkolînê bikin û got, ewê jî destekê bidin..
Dewleta Tirk ya dagirker ku ji 23’yê Nîsanê ve êrişî başûrê Kurdistanê dike rojane ji gerîla derbên giran dixwe û windahiyên mezin dide.
Dewleta dagirker ku ji ber berxwedana gerîlayên azadiyê têk diçe bi taybetî li herêma Avaşînê çekên kîmyewî û gazên jehrî bikartîne.
Di encama bikaranîna çekên kîmyewî de heta niha zêdeyî 30 gerîla şehîd bûne.
Ji fermandarên HPG’ê doktor Bager Baran bal kişande li ser berxwedana gerîla û bikaranîna çekên kîmyewî û da zanîn dema ku mijar dibe Kurd û Kurdistan û gerîla, wê demê sazî û dewletên xwedî mafê kontrol û pêkanînan bêdeng dimînin.
Dr. Baran diyar kir kîmyasalên ku tên bi kar anîn ji hêla hemû dewletan ve hatine qedexekirin û got, “Hin dewlet piştgirî û alîkariyê didin dewleta Tirk lewra bêdeng dimînin û jinedîtî ve tên.”
Dr. Bager Baran wiha dewam kir,
“Hin dîmenên ku hevrêyên me bi belgeyan eşkere kirine hene. Mînak hinek çekên ku artêşa Tirk bi kar tîne li febrîqeyan bi teknîkên cuda dikarin bên amadekirin.
Dema ku dijmin wan li ser gerîlayan bi kar tîne, çekên xwe piranî caran li ser tunelên şer an jî li nêzî van deveran amade dike. Di vir de mirov vê yekê dibîne ku artêşa Tirk bi wan kiryarên xwe hewl dide sûcên xwe ji raya giştî re veşerê.”
Dr. Baran da zanîn ew kîmyasal ne tenê ji bo gerîla, ji bo hemû zindiyan xwedî rîskeke mezin e û da zanîn ji bo tespîtkirina wan hin amûrên pêwîst û labûartûar divê hebin.
Dr. Bager Baran: Di mijara lêkolînan de em dikarin bi şandeyan re bibin alîkar
“Em di cenazeyên hevalên xwe yên şehîd de bandorên cuda jî dibînin. Mînak çermê tu zindiyekê di du rojan de jê nabe. Ji xwe ew di rojekê an jî du rojan de çê nabe. Lê belê çekên kîmyewî ne tenê şertên hilmstandinê qut dike û rewşa jehrîbuyînê pêş dixîne, di heman demê de çerm jî dişewitîne. Me ev yek bi çavên xwe dîtin.”
Ji fermandarên HPG’ê doktor Bager Baran da zanîn amûr di destên wan de nînin ku bikaribin lêkolînan di derbarê cûreyên kîmyasalan bikin û ev bang kir.
“Hin şande dikarin werin û lêkolînan bikin. Em dikarin ji saziyên ku li ser venêrana çekên qedexekirî û çekên kîmyasalê disekinin re di lêkolînan de bibin alîkar.”
