Di hilbijartinên li Afrîkaya Başûr de, partiya Nelson mandela şikestinek dîrokî xwar.
Kongreya Neteweyî ya Efrîkayê ya Mandela ku li ser desthilatdariyê ye, yekemcar di hilbijartinên xwecihî de dengê wê daket binê rêjeya ji sedî 50’î.
Kongreya Neteweyî ya Efrîkayê (ANC) ku di hilbijartinên xwecihî yên Afrîkaya Başûr de kêmî ji sedî 50’î yê dengê hilbijêran wergirt, bû cihê rexneyan.
Di mijarên nelirêtî, rêjeya bilind a bêkariyê, qutbûna elektrîkê û kêmaniya xizmetên hikumetê rexne li partiyê tê kirin.
Partiya ANC’ê di hilbijartinên roja Duşemê de kêmî ji sedî 50’ê dengan wergirt û di dîroka xwe de yekemcar li bendê eliqî.
Li gorî encamên ku şeva Pêncşemê hatin eşkerekirin, ANC a ku beriya pênc salan di hilbijartinên dawî yên şaredariyê de ji sedî 54’ê dengan wergirtibû, vê carê ji sedî 46’ê dengan bi dest xist.
Di encama vê yekê de jî partî wê li tevahiya welêt hejmareke hîn kêmtir a konseyê kontrol bike û li bajarên mezin û biçûk hîn kêmtir xwedî şaredaran be.
Partiya Nelson Mandela ku sala 1994’an bû desthilatdar, yekemcar li welatê xwe di hilbijartinekê de kêmî nîvê dengan wergirt.
Serokomar Cyril Ramaphosa li navenda hilbijartinê ya li bajarê Pretoriayê encamên hilbijartinê ragihand û qebûl kir ku partiya wan ji bo karibe qadên metropol ên girîng bi rê ve bibe divê koalîsyonan ava bike.
