“Rewşa heyî rê nade ku hilbijartin 24’ê Kanûnê li Lîbyayê pêk werin”

Ji dema diyarkirî ya hilbijartinên Lîbyayê re tenê hefteyek maye. Lê hem dosyayên namzetan û hem jî rewşa aloz a li welat rê nade ku hilbijartin 24’ê Kanûnê pêk werin.

Ji sala 2011’an ve, ji ber şerê navxweyî, Lîbyayê her di rojeva cîhanê de ye.

Piştî 10 salan ji vê rewşa aloz, plan ew e ku 24’ê vê mehê hilbijartin pêk werin.

Lê hem dewamiya aloziyê û hem jî rewşa hin namzetên serokatiyê radixe ber çavan ku nepêkane hilbijartin di wexta diyarkirî de werin lidarixstin.

Bi taybet jî aloziya ku li paytext Terablûsê dewam dike.

Lewma pêk hejmareke zêde ji komên çekdar xwe nêzî avahiya hukûmetê kirin.

Li herêma Sabha a dikeve Başûrê welat jî di navbera hêzên girêdayî Xalîde Hafter û yên hukûmeta Terablûsê, şer deket.

Ji ber van sedeman, zemînê qanûnî yê pêkanîna hilbijartinê ji holê radibe.

Tevî ku biryar bû lîsteya dawî ya namzetên serokartiyê doh bihatana eşkerekirin jî lê ev yek nebû.

Ji ber vê çendê tevî ku heftey maye jî namzet hîna nikarin dest bi kampanya xwe a hilbijartinê bikin.

Wekî din rewşa hin namzetên serokatiyê jî weke astengiya li pêşiya hilbijartinan tê şîrovekirin.

Ji wan kurê lîderê ber Muamer Qedafî, Seyfûlîslam e.

Seyfûlîslam ji ber bûyerên sala 2011’an ji kuştina gelek mirovan berpirsiyar tê dîtin.

Namzetiya serokê hukûmeta demkî Abdulhemîd Dibeybe jî weke pirsgirêk tê qebûlkirin.

Endamê Komîsyona Bilind a Hilbijartinan, Ebû Bekîr Marada anî ziman ku pirsgirêkên heyî, rê nadin hilbijartin 24’ê Kanûnê pêk werin.

Li aliyê din, Neteweyên Yekbûyî, Yekîtiya Ewrûpa û gelek hêzên cîhanî tevî aloziyê heyî jî alîgirin ku hilbijartin di wexta diyarkirî de pêk werin.

Back to top button