Li başûrê Kurdistanê jinan bi rêxistinkirinê, çalakiyên xwe mohra xwe li salê xistin. Yên herî zêde li dijî desthilatdarî, qeyrana aborî rabûyîn,jin bûn. Yên herî zêde xwestin vê sistemek wekhev bê avakirin û dawî li tundiyê bê anîn dîsan jin bûn, lê ev çawa pêşket û bi xwe re çi anî emê bi mêvana xwe niqaş bikin.
Jinên Başûrê Kurdistanê saleke tije çalakî, xwepêşandan û nerazîbûn li pey xwe hiştin.
Jin di hemû çalakî û xwepêşdanên li dijî gendeliya desthilatê, sîstema ne dadperwer û dij demokratîk de di refên herî pêşde bûn.
11’ê Adarê li dijî li peyamana 9’ê Cotmehê ya di navbera Iraq û PDK’ê, jinên Şengalê daketin qadan û li dijî hêzên Iraqî sekinîn, di encamê de jinek birînda bû.
8’ê Adarê de jinên Başûr bi sedan çalakiyên cûda lidarxistin.
30’yê Adarê polîsên Silêmaniyê binçavkirina kujerê du xwişkên Çemçemalî ragihand ku di meha îlonê ya 2019’an de ji aliyê bavê xwe ve hatibûn kuştin.
28’ê Gulanê RJAK’ê bi beşdariya zêdeyî 200 delegeyan kongreya xwe ya 5’emîn li Kerkûkê lidarxist.
Dewleta Tirk a dagirker ji 23’yê Nîsana 2021’an ve li dijî Başûrê Kurdistanê û hêzên gerîla êrişa dagirkeriyê daye destpêkirin.
Jinên ciwan, dayîk û rêxistinên jinan bi çalakiyên li dijî dagirkeriyê piştgiriya xwe ji bo gerîlayên YJA-Star’ê dûbare kirin.
Li dijî dagirkeriya dewleta Tirk û tecrîda li ser Rêber Ocalan, jinan kampanî û çalakî lidarxistin.
12’ê Hezîranê daxwaza hevdîtina dayîkên Aşitiyê yên li ser mijara êrîşên dagirkeriyê û êrîşên PDK’ê, hat redkirin.
19’ê Hezîranê bi armanca serwerkirina rola jin di aramiyê de Şandeya Aşitî û Azadî bo Kurdistan ya Navnetewî serdana Hewlêrê kir û li gel dayîkên aşitiyê û RJAK’ê civiya.
5’ê Tebaxê dema 3 endamên RJAK’ê ji merasîma bîranîna şehîdên fermana 2014’an ji Şengalê vedigeriyan li deriyê Kelek ji aliyê asayîşa PDK’ê ya Hewlêrê ve hatin binçavkirin.
Di meha Tebaxê de Meclîsa Jinan ya Tevgera Azadî civîna xwe ya 6 mehan çêkir.
21’ê Îlonê bi pêşengiya Dayîkên Aşitiyê yên Başûrê Kurdistanê komxebata dayîkên Aşitiyê ya çar parçeyên Kurdistanê li Silêmaniyê bi dirûşma, “Emê bihevre aşitiyê mîsoger bikin” hate lidarxistin.
Jin karîn di hilbijartinên pêşwext yên Iraqê a Cotmehê ya 2021’an de kursiyên xwe ji 83 derxin 98 kursiyan.
Di 7-8’ê Mijdarê de Meclisa Îştar ya kampa Penaberan a şehîd Rûstem Cûdî ya Mexmûrê konferansa xwe ya 12’emîn lidarxist.
3’ê Îlonê, 17 û 16’ê Tebaxê, 7 û 11’ê Kanûnê jî de dewleta Tirk bi belafiran êrişî Şengal û Mexmûrê kir.
Di encama bombebaranan de gelek kes şehîd û birîndar bûn, ji wan jî Dixtora Muhlîse Sîdar şehîd bû.
Di destpêka meha Mijdarê ya îsal de çalakiyên 25’ê Mijdarê bi şêwazên cûda destpêkirin.
Xwepêşandanên xwendekaran ku ji sedî 70 ji wan jinin ji bo bidestxistina mafên xwe yên rewa, dewam dike.
Li gorî amara ku Rêveberiya Têkoşîna bi şîdeta li ser jinê re jî di 9 mehên destpêkê yên îsal de li Başûrê Kurdistanê.
16 jin hatine kuştin, 45 jin xwekuştine, 64 jin xweşewitandine. 108 jin rastî êrişên zayendî hatine.
