Êdî Erebîstana Siûdî jî dixwaze hêza xwe ya çekan bi destê xwe kontrol bike. Li cihê kirîna moşekan ji welatên rojavayî, Riyadê dest bi hilberîna wê kiriye. Tora CNN îdia kir ku Siûdî bi hevkariya Çînê navenda hilberîna Moşekan ava kiriye. Ev îdiayên xwe jî spart wêneyên îstixbareta Amerîka yên ji peyka fezayê hatine kişnadin.
Erebîstana Siûdî ya piraniya çekên xwe ji welatên rojavayî dikire, hewil dide êdî bi xwe moşekên xwe hilberîne.
Li gor nûçeya kanala CNN a Amerîkayê ku servîsên îstîxbarata Amerîkayê ye, hat ragihandin Erebistana Siûdî dest bi çêkirina mûşekên xwe yên balîstîk kiriye.
Di nûçeyê de hat diyarkirin ku servîsên îstîxbaratê di vî warî de dîmenên satelaytê bi dest xistine.
Di çêkirina van mûşekan de îşaret bi hevkariya Çînê ya ji bo Riyadê hatiye kirin.
Hat ragihandin ku di dîmenên satelaytê de temambûna tesîseke hilberîna mûşekan nîşan dide û hevkariya teknolojîk a di navbera rayedarên Erebistana Siûdî û Çînîyan de hatiye belgekirin.
Hat diyarkirin ku navend li bajaroka Dîvadmî ya paytext Riyadê ye.
Di nûçeyên CNNê de dîmenên satelîtê jî ji aliyê pisporên leşkerî ve hatine şîrovekirin.
Pisporan gotin, di wêneyan de depoyên ku ji bo îmhakirina teqemeniyên bilind ên di hilberîna mûşekan de mane hene.
Pisporan ev yek wekî delîla ku kargeh dixebite nirxandin.
Lê, ne Koşka Spî û ne jî Balyozxaneya Erebistana Siûdî ya li Dewletên Yekbûyî yên Amerîkayê (DYA) rapora CNN piştrast nekir.
Servîsa îstixbarata Amerîka CIA jî derbarê mijarê de ti daxuyanî nedaye.
Erebistana Siûdî piraniya çek û alavên leşkerî ji welatên rojavayî, dikire.
Lê bi hinceta ku Riyad bi taybet li Yemen û Sûriyê van çekdan di şerê wekaletê de bikar têne ev firotin gelek caran li Ewropa dibe sedema nîqaş û nakokiyan.
Di şerê ku ev nêzî heft sal in dewam dike de Riyad li Yemenê piştgirî dide Serok Abd Rabbo Mansur Hadî, Îran jî li kêleka hêzên Hûsî yên Şîe radiweste.
Di şerê li Yemenê de bi deh hezaran kesan jiyana xwe ji dest dan û ji sedî 80’ê xelkê herêmê pêwistiya wê bi alîkariyê heye.
