Tevdîrên ji bo pêşîgirtina Omicron li pey hev tên

Ji ber zêdebûna pêketiyên Varianta Omicron, tedbîr têne tund kirin. Di demekê ku Fransa li ser jiyana giştî qedexe pêkî tîne de, li Yewnanîstanê pêwistiya bi maskê tê berfireh kirin. Şirketa jî Apple dikanên xwe yên li New Yorkê digire. Cîhan bi tirs û tevdîrên tund sersala 2022’an pêşwazî dike.

NOT: Ji bo her welatek dema derbasî yê din dibe, dimen biherikênin

Beriya sala 2021 bi dawî bibe, varianta Omicron tirs xistiye nava cîhanê.

Belavbûna zêde ya Omicron, cîhan xistiye alarmê.

Ji ber zêdebûna bûyerên ji ber varianta Omicron, Fransa biryar da ku tedbîrên vîrûsa corona tundtir bike.

Li gorî tedbîrên nû ku ji aliyê Serokwezîrê Fransa Jean Castex ve piştî civîna kabînê ya duh êvarê hate ragihandin, karsaz wê ji 3 Çile ve heftane sê rojan li malê kar bikin.

Ger pêkan be, karsaz wê modela xebata li malê ya 4 rojan jî pêk were.

Ev tevdîrên ku weke qonaxa yekem hatine diyarkirn wê ji bo sê hefteyan derbasdar be.

Ji bo bûyerên werzîşî û çandî jî, wê ji bo derve destûr ji kombûna 5,000 û ji bo hindur jî 2,000 hezar kesî were dayîn.

Ji bo ku tedbîrên hikûmeta Fransayê bi cih werin anîn, divê ji aliyê parlamentoyê ve jî were pejirandin.

Biden: Tevdîrên nû di rê de ne

Dewletên Yekbûyî yên Amerîka jî li dijî Omicron di tevgerê de ye.

Serokê DYA Joe Biden got,

“Em amade ne û dizanin ji bo rizgarkirina jiyana mirovan çi pêwist dike.”

Biden ê ku duh bi vîdyoyê beşdarî civîna waliyên eyaletê bû, diyar kir ku tedbîrên li dijî nebûna testa Covid-19 di rê de ne û destnîşan kir ku divê hîn zêdetir bên kirin.

Immunologist Antony Fauci yê şîretan li Biden dike jî got;

Ew li bendê ne ku bûyerên Omicron li DYA, hîn bêtir zêde bibin.

Di nava 2 rojan de 12,500 geştên balefiran ji Omicron bandor bûn

Hat diyarkirin ku Amerîkiyên ku piştî betlaneya Noelê balafirgeh tije kirin di rewşeke zehmet de ne.

Di 2 rojan de bandorek neyînî li zêdetirî 12,500 seferên geştiyariyê kiriye.

Firoşgeha Apple a li New Yorkê tê girtin!

Ji aliyekî din ve, kompaniya Apple ya teknolojiyê ya Amerîkî, ji ber zêdebûna vîrûsê biryar da ku dikanên xwe yên li New Yorkê bigire.

Yewnanîstan biryara ji bo karanîna maskeyan berfireh dike

Yewnanîstan jî dê bi dirêjkirina tedbîrên Coronayê bikeve sala nû.

Ji 3 Çileyê û pêve li welêt xwaringeh û bar, wê saet di 00.00 de deriyên xwe bigirin.

Û biryara ji bo karanîna maskeyan jî berfireh bike.

Li Almanya jî tevdîrên nû di meryetê de ne

Li Almanyayê beriya du hefteyan biryar hatibû girtin ku ji 28’ê Kanûnê ve tedbîr bên tundkirin.

Li gorî tedbîrên ku hikûmetên federal û eyaletên li Almanyayê biryar dane, ji îro pê ve li tevahiya welêt cihên keyfxweşiyê yên şevê û çalakiyên mezin ên weke maçên futbolê bê temaşevan bên leyîstin.

Vê yekê jî hişt ku careke din dijberên derzikirina li dijî vîrûsê dakevin qadan.

Back to top button