Li Atînayê di navbera Wezîrên Karên Derve yên Yewnan û Erebîstana Siûdî de civînek dualî pêk hat. Di civînê de, binpêkirin Tirkiye ji bo welatên cîran û li Derya Spî yek ji mijarên sereke bû. Wezîrên Karên Derve yê Yewnan Dandias anî ziman ku Tirkiye qanûnên navnetewî binpê dike û got: Atîna û Riyad, li dijî destwerdana welatên cîran ya ji bo Sûrî, Iraq û Lîbyayê ne.
Di navbera Riyad û Atînayê de, danûstanên xurtkirina têkliyan pêk hatin.
Wezîrê Karên Derva yê Erebistana Siûdî Feysel bîn Ferhan el Siûd sedana Atînayê kir.
Feysel di sedana xwe de li gel hempîşeyê xwe yê Yewnan Nikos Dendias civiya.
Dandias: Tirkiye qanûnên deryayî yên navnetewî binpê dike
Piştî civînê Dendias di axaftina çapemeniyê de îşaret bi Tirkiyê kir û got:
“Tirkiye di deryayê de, Qanûnên Navnetewî binpê dike.
Dema em mafê xwe yê di deryayan de bikar tînin, li pêşberî me bi awayekî eşkere gef tê xwarin.
Di demekê ku Tirkiye ji me daxwaze em giravên xwe bêçek bikin, bi hêza xwe ya herî mezin a daketinê û fîloya herî mezin a li Derya Spî, hêzên xwe li giravên me rêz kir.”
Dandias: Divê destwerdan li rewşa welatên cîran neyê kirin
Dendias anî ziman ku Tirkiye dixwaze ew dest ji mafê xwe yê xweparastinê ya ku di Peymana NY de hatiye destnîşankirin, berdin.
Wezîrê Yewnan diyar kir ku yek ji pêkanînên herî hêsan û bilez betalkirina peymana deryayî ya navbera Tirkiye û Hikumeta Wîfaq a Lîbyayê be.
Wezîrê Yewnanîstanê diyar kir ku Atîna û Riyad piştevaniya çareserî û aramiyeke li Sûriye, Iraq û Lîbya dike.
Û di heman demê de, piştevaniya rêgeza dest-newerdana welatê sêyemîn ji rewşa li van welatan re anî ziman.
Dandies got,
Dandias: Pirsgirêkên siyasî û welatên herêmê di rojevê de bû
Erebistana Siûdî soz da Yewnanîstanê ku derfetên veberhênanê li Alexandroupoli (Dedeagaç) lêkolîn bike.
Feysel Bin Ferhan El Siûd jî anî ziman ku wan di hevdîtina bi Dendias re li ser hevkariyên di warê bazirganî û çandî de şêwirîn.
Feysel diyar kir ku têkoşîna li dijî terorê û pirsgirêkên siyasî yên welatên herêmê jî di rojeva hevdîtinê de bûn.
