Rêveberiya Xweser ji bo peydakirina pêdiviyên sereke yên jiyanê di van şert û mercên zehmet de di nava tevgerê de ye. Desteya Aborî ya herêma Cizîrê diyar kir ku pirsgirêkên nan yên ku caran derdikevin ew çareser dikin.
Rêveberiya Xweser a Bakur û rojhilatê Sûriyê ji bo peydakirina madeyên sereke yên jiyanê di van şert û mercên zehmet de her di nava tevgerê de ye..
Ji ber cezayên Qeyser, girtina deriyên Sînor ên fermî weke Til-koçer û hwd, di gelek aliyan de zehmetî hene..
Nebarîna baranan û nebûna mewsimê jî hiştiye ku madeyên sereke ên jiyanê bi taybet jî genim li herêmê kêm be.
Li aliyê din jî qutkirina dewleta Tirk a çemê Firatê jî hişt ku zirarên mezin li zeviyên welatiyan û bi taybetî ên genim bibin..
Pirsgirêka qutkirina avê par zirareke mezin da berhemên genim, îsal jî ev pirsgirêk dewam dike…
Lê tevî hemû van siyasetên dorpêçkirinê, Rêveberiya Xweser bi her awayî di nava tevgerê de ye ku pêwistiyên jiyanê yên rojane peyda bike..
Yek ji van madeyan jî madeya nan e ku di derbarê kalîteya wê de welatî bi gazinin.
Rêveberiya Xweser destpêkê ji bo başkirina kalîteya Nan dixebite
Desteya aborî ya herêma Cizîrê, derbarê mijarê de tîne ziman ku ji ber girtina deriyan, ew di mijara peydakirina parçeyên aliyetên Aşan ji bo hêrana genim û sererastkirinê zehmetiyan dikşînin…
Her wiha Desteya Aborî ya Cizîrê diyar dike ku armanca wan ya destpêkê peydakirina nan e û ya dûyem jî başkirina kalîteya wê ye..
Hevseroka Desteya Aborî ya Herêma Cizîrê Hediya El-Elî ji televizyona me re axivî û derbarê kalîte û kêmaniya di çêkirina nan de bi taybetî di van rojên dawiyê li hin bajarên Cizîrê de nirxandin kir..
Hevseroka Desteya Aborî ya Herêma Cizîrê :Pirsgirêkên çend roj berê derketî teknîkî bûn û em çareser dikin
Hediya El-Elî anî ziman ku ji ber tecrûbekirina hin rê û rêbazan û sererastkirinê, 2 roj berê li hin firinan nan nebaş derket, lê niha nan li hemû bajaran bi kalîteyeke baş derdikeve û ew hewl didin ku baştir bikin..
Her wiha Desteya Aborî derbarê bikaranîna madeya garis di nava çêkirina nan de jî eşkere kir ku rêjeya wê dighêje ji sedî 20 û ew jî wekî tecrûbe da ku kêmaniya genim were dagirtin tê pêk anîn..
Dîmenên çêkirina nan ji nava firinên herêma Cizîrê jî hatin girtin û başbûna nan diyar dibe.
