Heta niha 26 kes hatine kuştin û bêtirî 3 hezar kes jî hatine binçavkirin. Hêzên Rûsya yên ji bo parastina saziyên leşkerî û hikumetê jî li nava welatin. Serokomarê Kazexî ji bo tepisandina çalakiyên protestoyî ferman ‘bêyî hişyaiyê, dikarin bikujin’ da.
Bi hezaran kes li qadan kom bûn.
Ji bo pêkanîna daxwazên xwe bi polîsan re ketin nava pevçûnê.
Li ji 2’ê Çile despê kirî, barajarê Almatay şewitand.
Hêza leşkerî ya bi pêşengtiya Rûsya jî ber bi welat ve rêketiye.
Rayedarên Kazaxistanê ragihandin ku di dema êrişa ser xwepêşandanên li Almatayê de “26 sûcdarên çekdar” hatine kuştin.
Her wiha 748 jî birîndar bûn.
Hat ragihandin ku hejmara kesên hatine binçavkirin bêtirî 3 hezarî ye.
Wezîrê Navxweyî yê Kazexistanê bal kişand ser wê yekê ku 18 endamên hêzên ewlehiyê jî di şer û pevçûnan de jiyana xwe ji dest dane.
Serokomarê Kazexistanê Kasim Comert Tokayev got, li welêt nîzama destûrî bi giştî pêk hatiye.
Kasim Comert Tokayev da zanîn ku operasyonên li dijî kesên ku wî wek “terorîst” bi nav dike wê dewam bikin.
Tokayev got,
“Min ferman da ku bêyî hişyarî bê dayin, bên kuştin.” Serokkomar îdîa kir, ku “Terorîst hîn jî xisarê dide malan û li dijî welatiyan çekê bi kar tînin.”
Tokayev di peyama ji televiosna dewletê de weşandî, daxwaza piştgirî ji Rêxistina Peymana Ewlekariya Kolektîv (CSTO) ya bi pêşengiya Rûsyayê kir.
Di nava vê rêxistinê de Rûsya, Kazakistan, Belarûs, Tacîkistan û Ermenîstan hene.
CSTO ragihand ku leşker hêzeke aştîparêz in û wê saziyên fermî û leşkerî biparêzin.
Karkerê înşaetê yên Saule yê 58 salî ji ajansa nûçeyan a Fransayê AFP’ê re axivî û diyar kir ku hêzên ewlekariyê gule li xwepêşanderan reşandin û got,
“Me kesên hatine kuştin dîtin.
Di carekê de nêzî 10 kesan mirin.”
Xwepêşandanên 2’ê Çile ji ber bihabûna nirxê sotemeniyê despê kirî, di nava demek kin de, li gelek bajarên welat bela bû.
Piştî xwepêşandanan hikumetê torên medya civakî Telegram, Signal û WhatsApp cemidand.
Her wiha 2 malperên nûçeyan jî hatin girtin.
Tê ragihandin ku ev destwerdan piştî serxwebûna ji Yekîtiya Sovyetê ya sala 1991’ê û heta niha bûyera herî bi xwîn e.
Nursultan Nazarbayev, rêberê damezrîner ê ku nêzî 30 salan welat bi rê ve bir, 2019 dest ji serokatiyê berda û li şûna wî Kasım Comert Tokayev, hate hilbijartin.
Nazarbayev ê 81 salî tevî ku dev ji serokatiyê berda jî di rêveberiya welêt de xwedî bandore.
