HPG’ê ragihand ku dewleta Tirk a dagirker di navbera 2 û 6’ê Çileyê de Herêmên Parastinê yên Medyayê bi balafirên şer bombebarankirin.
Navenda Ragihandin û Çapemeniyê ya HPG’ê derbarê êrişên hewayî ên dewleta Tirk a dagirker daxuyaniyeke nivîskî weşand.
HPG’ê diyar kir ku êrişên dagirkeran 5 rojan dewam kirin.
HPG’ê ragihand di navbera 2 û 6’ê Çileyê de gelek qadên bi ser herêmên Zap, Garê, Avaşîn, Xakurkê û Metîna bi balafirên şer hatin bombebarankirin.
Hat ragihandin di van êrişan de hêzên gerîla ti windahî nedan.
Her wiha HPG’ê ragihand 5’ê Çileyê artêşa Tirk a dagirker li qadên Gundê Kerwas, Gundê Memyat û Gundê Mehle yên herêma Şehîd Kendal a Amedê bi konvoyek ji 32 wesayitan dest bi operasyoneke dagirkeriyê kir.
HPG’ê da zanîn hêzên dagirker piştî ku yekîneyên xwe yên veşartî li vê herêmê bi cih kirin, vekişiyan.
