Endama Koordînasyona KJK’ê Besê Erzincan û Endama Konseya Serokatiya Giştî ya KCK’ê Zilar Stêrk 8’ê Adarê li hemû jinan pîroz kir û bang li jinên Kurd û tevahiya jinan kirin ku ji bo azadiyê tevlî nava refên têkoşînê bibin.
Endama Koordînasyona Komalên Jinên Kurdistanê-KJK’ê Besê Erzîncan bi boneya 8’ê Adarê Roja Jinan a Cîhanî ji ajansa Firatê re axivî.
Besê Erzîncan 8’ê Adarê, li hemû jinan pîroz kir û wiha behsa wateya rojê kir:
“8’ê Adarê ji bo jinan roja rabûna li ber koletî û neheqiyê ye.
Li ser vê bingehê bûye malê jinan, malê tevahî mirovahiyê.
Bi pîrozkirina 8’ê Adarê re em jin, dayik, ciwan û mirovahiya ji bo azadiyê li ber xwe didin bi rêzdarî silav dikin.”
Endama Koordînasyona KJK’ê da zanîn ku 2021 ji bo jin û gelê Kurd bû saleke giran a berxwedanê û wiha domand:
“Jin û gelê me li dijî zext, xizankirin, koçberkirin, girtin û polîtîkayên şerê taybet ên dewleta Tirk bi rengekî mezin li ber xwe da.
Xwedî li nasname, ziman û welatê xwe derket.
Gerîlayên Kurd jî bi îradeyeke bêhempa li dijî êrişên dewleta Tirk û hêzên hevkarên wan bi berxwedaneke xurt bersiv dan. ”
Besê Erzîncan: Bi saya fikrê Rêber Apo jin îro gihişt vê qonaxê
Besê Erzîncan 8’ê Adarê li Rêber APO jî pîroz kir û got:
“Bi saya fikrê Rêber Apo jin îro gihişt vê qonaxê.
Divê rojev û erka sereke ya tevgera jinê ya azad, misogerkirina azadiya fîzîkî ya Rêber Apo be.”
Besê Erzîncan: Jin hêza pêşeng û avaker a Şoreşa Rojava ye
Besê Erzincan destnîşan kir ku li Sûriyê, li Rojavayê Kurdistanê şoreşa jinê li ser bingeha avakirina neteweya demokratîk bi pêş ve diçe û ev tişt anî ziman:
“Jin hêza pêşeng, parastin û avaker a Şoreşa Rojava ye.
Modela jiyana hevpar a gelên Kurd, Ereb, Ermen, Çerkez, Asûrî, Tirkmen û Suryan e.
Bi vî rengî tîna xwe dide tevahiya cîhanê.
Jinên Kurd jî haya xwe ji rol û misyona li nava Şoreşa Rojava heye û bi vî rengî jiyana nû ava dikin.”
Zilar Stêrk: Tevgera Azadiyê ya jinê tevgera tolhildana 8’ê Adarê ye
Endama Konseya Serokatiya Giştî ya KCK’ê Zilar Stêrk jî bi wesîleya rojê axivî û jinên ku di rêya azadiyê de canê xwe dane, hemûyan bi bîr anî.
Zilar Stêrk bi bîr xist 8’ê Adarê bûyereke qirkirina jinê ye û got:
“Tevgera Azadiyê ya Jinê jî tevgera tolhildana 8’ê Adarê ye.”
Zilar Stêrk: Li Rojhilata Navîn jinên Kurd xwedî li 8’ê Adarê derdikevin
Zilar Stêrk destnîşan kir ku li welatên Rojhilata Navîn ya ku herî zêde niha xwedî li 8’ê Adarê derdikeve Tevgera Azadiyê ya Jinê ye.
Zilar Stêrk da zanîn asta jinên Kurd a xwedîderketina li vê rojê bandorê li çalakiyên li qadan jî dike û ev tişt got:
Zilar Stêrk: Di berxwedana me de Rêber Apo hêza diyarker e
Jinên Kurd xwedî sparteyên gelekî xurt e ku hêzê dide berxwedan û çalakiyan
Sparteya sereke ya jinên Kurd jî Rêber Apo ye, ku rola wî ya diyarker divê bê dîtin.
Rêber Apo ji bo xwe got, ‘Ez karker û kedkarekî têkoşîna azadiya jinê me’. ”
Zilar Stêrk: Ji bo azadiyê tev li nava refên têkoşînê bibin
Endama Konseya Serokatiya Giştî ya KCK’ê Zilar Stêrk herî dawî bang li jinên Kurd û tevahiya jinan kir ji bo azadiyê tevlî nava refên têkoşînê bibin.
