Rûsya bi biryardarî ber bi Kîevê ve diçe. Ev bûn 14 roj li welat şerekî dijwar heye.
Bi dehezaran maşîneyên zirxî yên Moskow li nava Ûkrayna ji bo deverên cuda kontrol bikin di nava tevgerê de ne. Li nava Kîevê careke din dengê sîrenan bilind bû. Hêzên Ûkraynî bi çekên dijî tankan derbên xurt li artêşa Rûsya didin. Tankên Rûsya jî bi ala Sovyetê ber bi Kîevê ve pêş dikevin.
Li paytexta Ûkrayna Kîevê carke din dengê sîrenan hebû.
Ji ber êrişa Rûsya, welatiyên li nava paytextê, şevekê din ya metirsîdar derbas kirin.
Bi dengê sîrenan re careke din metirsî zêde bû.
Tirs û sermayê Kîev pêçaye.
Li Ûkrayan êrişa Rûsya di roja xwe ya 14’an de ye.
Artêşa Rûsya bi alên Sovyetê berê xwe didin nava Ûkrayna
Rûsya bi xeyala Yekîtiya Sovyeta, gav bi gav dikeve nava xaka Ûkrayna.
Li ser tankên Rûsî, ala Sovyetê hatiye danîn.
Rûsya, bi hêzeke zirxî ya hîn mezin berê xwe dide, bajarên Ûkrayna.
Helîkopterên Rûsya yên ji bo êrişê tên amadekirin, ber bi qadên şer ve diçin.
Artêşa Rûsya bê ku fersendê bide Ûkrayna li ser hev êrişên xwe pêk tîne.
Leşkerên Ûkraynî bi çekên dijî tankan bûne kabûs Rûsya
Hêzên Ûkrayna jî bi çekên di destê xwe de hewil didin pêşî li artêşa Rûsya bigirin.
Mîna ku ev leşkerê li ser banê avahiyekê û tanka Rûsî dike armanc.
Piştî armanckirinek serkeftî, keyfxweşiya şervanên li derdora wî jî dengê wan xuya dike.
Artêşa Ûkrayna têkbirina tanka Rûsyî ya bi sîstema dijî tankan a Javelin bi dronan qeyd kir.
Di dimenan de, têkçûna tankê xuya dike.
Komeke Azerbeycanî ji bo li dijî Rûsya şer bikin li Kîevê ne
Di vê navberê de komeke ji Azerbeycanê hatîn û li dijî Rûsya şer dikin jî derketin pêşiya kamereyan û peyama xwe dan.
Di axaftinê de, qala armanca şerê li dijî Rûsya hate kirin.
Li herêma Luhanskê bêdengî û dimenê wêraniyê heye
Ev der jî herêma Luhansk ya herêma Donbassê ye.
Ev herêm niha ji aliyê komên cudaxwaz yên Rûsya ve tê kontrolkirin.
Li herêmê bêdengiyek zêde heye.
Dîmenên bi dronê hatine kişandin jî asta wêraniya li herêmê dide xuyakirin.
