Li Ûkrayna şer dijwar dibe û bi dehezaran kes li ser rêya koçberiyê ne. NY ragihand ku jimara koçberên derketine derveyî welat 2 milyon û 316 hezar derbas kiriye. Tenê di nava 24 saetan de ji korîdorên hatine avakirin bêtirî 35 hezar kes bo cihên nû hatin veguhestin. Sekreterê Giştî yê NY Gutterres bang kir ku dawî li vî sucê mirovahiyê bînin. Waşîngton jî hişyariya wê yekê da ku Rûsya dibe ku çekên kîmawî yên biyolojîk bikar bîne.
Li ber çavê cîhanê li Ûkrayna rewşeke aloz ya jiyanî heye.
Ji ber şerê li welat bi milyona kes li ser rêya koçberiyê ne.
Komîseriya Bilind a Penaberan a Neteweyên Yekbûyî (UNHCR) têkildarî krîza koçberan a li Ûkraynayê daneyên ji çavkaniyên cuda hatin bidestxistin, parvekir.
Di navbera 24’ê Sibat heta 8’ê Adarê de, 2 milyon û 316 hezar koçberî welatên cîran bûne.
Ji nîvê van zêdetir debrasî Polonya bûne.
Komseriyê hişyariya wê yekê da ku ger aloziya li Ûkrayna zêdetir bibe, dibe ev jimar heta 4 milyonan jî here.
Di nava rojekê de 35 hezar sivîl hatin veguhastin
Ji gelek bajarên ku dorpêçkirî doh herî kêm 35 hezar kes hatin veguhastin.
Li bajarên Sûmî, Enerhodar û li qadên nêzî Kîevê bi rêya sê korîdorên mirovî, mirov têne veguhastin.
Guterres: Dawî li komkujiyên li Ûkranya bênin
Sekreterê Giştî yê Neteweyên Yekbûyî Antonîo Guterres jî li ser rewşa sivîlên li Ûkrayna helwest nîşan da.
Guterres îşaret bi êrişa li dijî nexweşxaneya jidayîkbûna zarokan ya li bajar Mariupol ki rû wiha got: “Divê ev tundiya bêwate bi dawî bibe. Bila dawî li komkujiyê bînin.”
Ji Koşka Spî hişyarî: Dibe Rûsya li dijî Ûkrayna çekên kîmyawî yên biyolojîk bikar bêne
Di vê navberê de hişyariyek metirsîdar ji Waşîngtonê hat.
Berdevka Koşka Spî Jen Psaki di daxuyaniya çapemeniya rojane de, li ser karanîna çekên kîmawî yên biyolojîk axivş.
Psaki îdiayên Rûsyayê yên ku dibêje DYA li Ûkraynayê çekên kîmyewî û biyolojîk hildiberîne derewand û hişyarî da ku Rûsya dibe li Ûkraynayê çekên kîmyewî û biyolojîk bikar bîne.
Brîtanya li dijî Rûsya cezayên nû ferz kir
Li aliyekî din, hikumeta Brîtanya cezayên nû li dijî Rûsya ferz kir.
Hikumetê ragihand ku biryar hatiye girtin ku mal û milkên 7 karsazên Rûs ên li wî welatî bên cemidandin û hatinûçûna wan were qedexekirin.
Piştî êrişa Moskow li dijî Kîevê, Rûsya bûye welatê herî zêde li cîhanê ceza li ser hatine ferzkirin.
Bi vî awayî hejmara tevaya cezayên ku li ser Rûsyayê hatin sepandin 5 hezar û 530 derbas kir.
