Tevgera Xwendekarên Demokratîk bi merasîmekê navenda xwe bi navê Şehîd Viyan Kobanê li Tebqayê vekir.
Tevgera Xwendekarên Demokratîk bi armanca bi rêxistinkirina xwendekarên bajarê Tebqa û gundewarên wê, navenda xwe li Tebqayê vekir.
Bi dehan kes beşdarî merasîma vekirina navendê bûn.
Di merasîmê de bi navê Tevgera Xwendekarên Demokratîk a herêma Tebqa, Selca El-Îsa axivî û got:
“Em ê ji bo rêxistinkirina xwendekaran li ser esasê neteweya demokratîk, bixebitin.”
Hevserokê Komîteya Ciwan û Werzîşê ya Tebqayê Mehmûd El-Yetîm jî anî ziman ku vekirina navendê encama keda mezin a tevgera xwendekaran e.
Piştre deriyê navendê ji aliyê hevjîna şehîd Mahir El-Ewed, Nadiya El-Ewed ve hate vekirin.
Merasîma vekirina navendê bi govendê bidawî bû.
