Her roja debras dibe welatiyên Ûkrayna bi serketina xwe ya li pêşberî Rûsya hîn bawertir dike. Serokomarê Ûkrayna Zelensky got; Rûsya rastî berxwedanekê ku ne li bendê bû hat. Şêwirmendê wî jî anî ziman ku dibe, di meha Gulanê de şer bidawî bibe û peymanek aştiyê were îmzekirin. Di demekê ku paytext Kîev tê topbarankirin de, lîderên Polonya, Çekya û Slovakya wê biçin Kîevê û bi Zelensky re bicivin.
Ji 24’ê Sibatê ve Ûkrayna hewil dide li dijî Rûsya hebûna xwe biparêze.
Heta niha jî rêveberiya Kîevê, kariye pêşdeçûna Rûsya heta astekê lewaz bike.
Serokomarê Ûkrayna Volodymyr Zelensky ji berxwedana heyî keyfxweşe.
Zelensky anî ziman ku Rûsya rastî berxwedaneke ku ne li bendê bû hat û wiha got,
“Ew ne li benda berxwedanek wiha bûn.
Wan ji propagandaya xwe ya ku bi salan e li ser me derewan dike bawer kir.”
Zelensky: Rûsya di 19 rojan de ji şerê li çeçenîstanê bêtir windahî da
Zelensky şevê din bi rêya vîdeoyek ku weşandî berxwedana 19 rojên despêkê ya li dijî Rûsya nirxand û got:
Li Ûkrayna, Rûsya di warê leşkerî de windahiyên mezin dan.
Rûsya 2 caran ket Çeçenîstanê.
Lê herdûcaran jî bi qasî Ûkrayna leşkerên wî lê nehatin kuştin.
Zelensky diyar kir ku artêşa Rûsyayê ji “karesata mirovî ya bi zanebûn hatî afirandin” berpirsyar e.
Zelenskiy bal kişand ser xwepêşandanên li dijî şer ên li Rûsyayê û spasiya wan kir.
Di dema ku Zelensky ji nava Kîevê peyam diweşand de, li paytextê dengê teqînan bilind dibû.
LI dijî Kîevê topbarana Rûsya, 2 kes hatin kuştin
Welatiyên li paytext Kîevê careke din bi dengê teqînan şiyar bûn.
Li gorî ajansa AFP’ê 3 teqînên mezin pêk hatine.
Bi derbasbûna demê re hat hînbûn ku ev deng topbaran hêzên Rûsya bû.
Di encamê de, 2 kesan hatin kuştin.
ÛKrayna: Di meha gulandê de wê peymana aştiyê pêk were
Şêwirmendê serokê Ûkraynayê, Oleksîy Arerestovich, pêşbînî kir ku şer heta meha Gulanê wê bidome û wiha got:
“Ez bawer dikim ku heta meha Gulanê, heta hîn zutir dibe ku peymanek ya aştiyê were îmzekirin.”
Di vê navberê de, Arestovic beşdarî hevdîtinên di navbera şandeya Ûkrayna û Rûsyayê de nabe.
Lîderên Polonya, Çekya û Slovakya wê biçin Kîev ê
Di demekê ku Rûsya bi ketûrberî êrişî Kîevê dike de, Serokwezîrê Çekyayê Petr Fiala ragihand ku ligel Serokwezîrê Polonya Mateusz Morawiecki û Serokwezîrê Slovenyayê Janez Jansa wê wekî nûnerên Konseya Ewropayê wê biçin Kîevê.
Lîder wê di serdana xwe de bi Zelensky re bicivin.
