Rêveberiya Amerîka beriya niha îdia kiribû ku Rûsya ji ber şerê Ûkrayna tengav bûye. Ji ber vê tengaviya xwe jî berê xwe daye Çînê û daxwaza alîkariyê kiriye. Li dijî vê yekê ji Waşîngtonê bertekên tund hat. Şêwirmendê Ewlekariya Netewî yê DYA Sullivan bi rêveberên Çînê re civiya. Sullivan, Pekîn hişyarkir ku ger alîkariya Rûsyayê bike, ew ê bi ceza û tecrîdê re rû bi rû bimîne.
Rûsya ji ber êrişa li dijî Ûkrayna di qada navnetewî de bi tenê tê hiştin.
Cezayên ji aliyê welatên rojavayî ve hatine ferzkirin, rêveberiya Moskow tengav kiriye.
Moskow ya dixwaza piştevaniyê ji Pekînê dike jî heta niha negihiştiye armanca xwe.
Di dema ku êrîşên Rûsyayê li ser Ûkraynayê dewam dikin, Şêwirmendê Ewlehiya Neteweyî yê DYA Jake Sullivan, Rêvebirê Ofîsa Komîsyona Têkiliyên Derve ya Komîteya Navendî ya Partiya Komunîst a Çînê Yang Jiechi re civiya.
Civîn li paytexta Îtalya Romayê pêk hat.
Armanca sereke ya civînê fikarên Waşîngton yên piştevaniya bo Rûsya bû.
Rayedarekî payebilind ê Amerîkayê piştî hevdîtinê daxuyanî da û diyar kir ku Amerîkayê encamên neyînî yên ku ger Çîn alîkariya Rûsyayê bike jêre aniye ziman û wiha got:
“Niha fikarên me yên li ser hevkariya Rûsya û Çînê heye.
Şêwirmendê Ewlekariya Netewî li ser van û encamên wê yên ku rastî rêveberiya Pekînê werin jî aniye ziman.”
Berpirsên Amerîka îdia kirin ku di hevdîtina 7 saetan dewam kir de, nêzîkatiyek erênî hebû.
Di çapemeniya Amerîkayê de îdia ji aliyê berpirsên Amerîkayê ve hatin kirin ku Rûsya ji destpêka êrîşên xwe yên li ser Ukraynayê ve daxwaza alavên leşkerî û alîkariyên curbicur ji Çînê kiriye.
Hat gotin ku hin nîşan jî hene ku dibe Çîn amade be alîkariya Rûsyayê bike.
Berpirsên Amerîkî jî îdia kirin ku nîşan hene beşek ji cebilxaneya Rûsyayê qediyaye.
Berdevkê Kremlînê Dmitriy Peskov îdiayên ku Rûsyayê ji Çînê daxwaza alîkariya leşkerî kiriye red kir.
Wezareta Karên Derve ya Çînê anîbû ziman ku Moskow ti daxwazek piştevaniya leşkerî ya ji bo şerê li Ûkrayna ji wan nekiriye.
