3 hefte derbas bûn û li ber çavê cîhanê şerekî ku wêraniyê bi xwere tîne didome. Ûkrayna diyarkirin ku di encama êrîşên Rûsyayê de 103 zarok hatine kuştin. Serfermandariya Ukraynayê îdia kir ku artêşa Rûsyayê ji sedî 40 hêza xwe winda kiriye.
Ji 24’ê Sibatê ve li dijî Ûkrayna êrişeke zêde ya Rûsya heye.
Bi dijwarbûna şerê heyî re, bîlançoya qurbaniyan jî zêde dibe.
Serdozgera Ûkraynayê Irina Venicetova di daxuyaniya xwe ya li ser hesabê xwe yê Facebookê de diyar kir ku di êrîşên Rûsyayê de heta niha 103 zarok hatine kuştin.
Serdozgerê Giştî diyar kir ku di êrîşên hêzên Rûsyayê de bi giştî êrişî 400 navendên perwerdehiyê hatine kirin û ji wan ziyan li 59’an bûye.
Li gor agahiya ku ji aliyê rêvebiriya herêmî ya bajarê Xarkovê ya li rojhilatê welêt ve hat dayîn, ji 24’ê Sibatê ve li bajêr 500 kes hatine kuştin.
Lê Rûsya îdia dike ku di dema “operasyona leşkerî” de ti sivîl hedef negirtine.
Ûkrayna: Artêşa Rûsya ji sedî 40 hêza xwe winda kiriye
Serfermandariya Giştî ya Ûkraynayê şevê din ragihand ku artêşa Rûsyayê ji sedî 40 hêza xwe jidest daye.
Di daxuyaniyê de hate gotin, ev yekîneyên artêşê yan bi temamî hatine têkbiirin yan jî hêza xwe ya şer winda kirine.
Sererkaniy destnîşankirin ku bi taybetî li Mariupol a ku şer lê dewam dike rewş krîtîk e.
Hat diyarkirin ku leşkerên Rûsyayê ji aliyê rojhilat û rojava ve bajar dorpêç kirine, lê hat destnîşankirin ku li vir jî artêşa Rûsyayê ziyanek zêde dîtiye.
Ûkrayna: 13,800 leşkerên Rûsya hatine kuştin
Sererkaniyê bîlançoya 21 rojan a şer jî eşkere kir.
Li gorî vê;
13 hezar û 800 leşkerên Rûsya hatine kuştin.
430 tankên sereke yên şer, hezar û 375 maşînên şer ên zirxî, 190 sîstemên topavêj, 70 pergalên roketavêjên pir bermîl, 43 pergalên parastina hewayî, 84 balafirên şer, 108 helîkopter hatine têkbirin.
Her wiha derb li 819 wesayît, 3 keştî, 60 tankerên sotemeniyê, 11 balafir û 10 alavên taybet hatine xistin.
Nêzî 20,000 sivîl ji bajarê Mariupolê derketin
Şêwirmendê Wezareta Karên Hundirîn ya Ukraynayê Vadîm Denîsko ragihand ku nêzî 20 hezar kes bi wesayîtên taybet ji bajarê bendera Mariupolê ya li başûrê rojhilatê welêt derketine.
Tê payîn ku nêzî 200 hezar kes ji bajêr bên derxistin.
Hat diyarkirin ku ev nêzî 14 rojane, bajar ji aliyê leşkerên Rûsyayê ve hatiye dorpêçkirin.
Cîgira Serokomarê Ûkrayna Irina Vereshchuk jî ragihand ku hêzên Rûsyayê nexweşxaneyek li bajêr kontrol kirine û nêzî 400 xebatkar û nexweş dîl girtine.
