Ji bo Ûkrayna hêviyên danûstandinê her çiqasî kêm jî be lê li koşeyekê cihê xwe diparêze. Alî di danûstandinan de li ser 15 xalên sereke gotûbêjan dikin. Xalên sereke derketina artêşa Rûsya ji Ûkrayna û durketina Kîevê ji NATO ye. Brîtanya ji gotinên Moskow bifikare. Serokomarê Ûkrayna Zelensky ji kongresa DYA re axivî û careke din daxwaza piştevaniya çekên parastina hewayî kir.
Di demekê ku dengê çekan li nava Ûkrayna bilind dibe de, alî ji bo li hevkirinê jî di nava danûstandinan de ne.
Li ser plana aştiya demkî ya 15 xalî ku di nav de agirbest û vekişîna Rûsya heyî tê meşandin.
Lê weke şertên yekem, divê Kîev şertên bêalîbûnê û sînordarkirina hêzên xwe yên çekdar qebûl bike.
Herçiqasî alî heta niha li ser xalan giştî lihevnekiribin lê tê îdiakirin ku pêşketin heye.
Rojnameya Financial Times di nûçeya xwe ya spartî çavkaniyên xwe de ragihand ku cara yekem, gotûbêja ji bo van xalan 15’ê Adarê ji aliyê şandeyên herdû welatan ve hatin kirin.
Tevî ku Moskow û Kîev ragihandin ku di danûstandinan de xalên pêşketinê hene, lê rêveberên Ûkrayna ji Serokê Rûsya Vladimir Putin nepiştrastin.
Ew difikirin ku dibe ev yek rêbazek be, Putin bixwaze careke din hêza xwe komî serhev bike û ji bo vê dem qezenc bike.
Putin di axaftina xwe ya doh kirî de, ti nîşaneyên ku wê bi rêya danûstandin rewşê çareser bikin derneket.
Serokê Rûsyayê soz da ku ew ê hemû armancên xwe yên şer li Ûkraynayê pêk bîne û got,
“Em ê ti carî rê nedin Ûkrayna bibe hêlînek ji bo êrîşkirina li dijî welatê me.”
Li gorî plana navborî, Ûkrayna wê hêzên xwe yên çekdar biparêze, lê wê neçar bimîne ku ji hevpeymanên leşkerî yên wekî NATOyê dûr bimîne û ji mazûvaniya baregehên leşkerî yên biyanî li ser axa xwe dûr raweste.
Berdevkê Koşka Kremlînê Dmitriy Peskov jî doh ji bo dawî anîna şerê li Ûkrayna, modela Swêdê pêşniyar kiribû.
Ûkrayna: Di rewşa peymanekê de wê hêzên rûsya li welat nemînin
Şêwirmendê Serokomarê Ûkrayna Volodymyr Zelensky, Mihail Podolyak yê di heman demê de cihê xwe di nava şandeya danûstandinan de digre got:
Her çi peymanek were îmzekirin, wê leşkerên Rûsya ji xaka welat derkevin.
Wallace: Divê Rûsya li gorî çalakiyên wê bê temaşekirin
Wezîrê Parastinê yê Brîtanya Ben Wallace derbarê girêdana Rûsyayê ya bi dîplomasiyê ve gumanên xwe anî ziman û wiha got:
“Kampanyayek medyayî ya mezin di vî şerî de tê meşandin.
Dema dor tê Rûsyayê, ne bi gotinên wan, bê guman divê hûn wan bi kirinên wan binirxînin.”
Zelensky ji kongresa DAY re axivî
Serokomarê Ûkrayna Volodymyr Zelensky doh bi rêya vîdeo konferansê ji Kongresa DYA re axivî.
Volodymyr Zelensky got; Divê qada hewayî ya Ûkraynayê ji firînan re bê girtin û ger ev yek neyê kirin divê pergalên parastina hewayî û balafirên şer bidin me.
Zelensky ji endamên Kongresê daxwaz kir ku cezayên hîn zêdetir li ser Moskow werin ferzkirin.
