Biden bo Putin: Ew sucdarek şere

Serokê Amerîkayê Biden ragihand ku welatê wî wê 800 milyon dolarên din jî wek alîkariya leşkerî bide Ûkraynayê. Biden Serokê Rûsyayê Putin weke “sûcdarê şer” bi nav kir. Li ser rexneyên ku ev piştevanî wê rewşê aloztir bike, Koşka Spî jî got: Sîstema parastina hewayî ji bo parastinê ye, lê balafirên şer ji bo gurkirina şere. Di vê navberê de, DYA û 5 welatên din bi îdiaya Rûsya li Ûkrayna sûcên şer dike, bang civînê li Konseya Ewlekariyê ya NY kir.

Welatên rojavayî zexta li ser Moskow zêde dikin.

Li aliyekê berxwedana li nava Ûkrayna û li aliyê din, cezayên li ser Rûsya, Moskow tengav kiriye.

Serokê Dewletên Yekbûyî yên Amerîkayê (DYA) Joe Biden, di daxuyaniya xwe ya li ser êrîşa Rûsyayê ya li Ûkraynayê de, Serokê Rûsyayê Vladimir Putin wekî “sûcdarê şer” bi nav kir.

Biden diyar kir ku şer wê “drêj û dijwar” be û gelê Amerîkayê li dijî êrîşên “bêexlaqî” yên Putin wê bi xurtî piştgiriyê bide Ûkrayna.

Biden: Ji bo Ûkrayna 800 milyon dolar alîkariyek zêdetir wê were kirin

Joe Biden diyar kir ku wê bi buhayê 800 milyon dolarî çek û alavên leşkerî yên zêde ji Ûkraynayê re bên dayîn.

Her wiha 20 milyon gule û balafirên bêmirov ên biçek yên bi şeklên curbecur wê bên dayîn.

Biden ragihand ku ew ê pergalên parastina hewayî yên menzîla wan zêdetir e û dikarin li bilindahiyên pir bilind li balafiran bixin bidin jî bidin Ûkraynayê.

Rêveberiya Waşîngtonê îdia dike ku ji despêka şer heta niha, wan soza 1,35 milyar dolar alîkariya leşkerî dane Ûkrayna.

Koşka Kremlîn: Gotinên biden nayên pejirandin

Li dijî gotinên Biden yên derbarê Putin de ji Moskow bertek derket.

Berdevkê Kremlînê Dmitriy Peskov got,

“Em daxuyaniyên bi vî rengî yên Serokomarê ku bombeyên wî li çar aliyê cîhanê bi sed hezaran kes kuştine, nayên qebûlkirin û nayê efûkirin.”

Koşka Spî: Çekên bo Ûkrayna werin şandin ji bo xweparastinêye

Berdevka Koşka Spî Jen Psaki diyar kir ku alîkariya ewlehiyê ya ku DYAE ji Ûkraynayê re ragihandiye ne bo “êrişkirinê”, bo “parastinê” ye.

Psaki di civîna çapemeniyê ya rojane ya ku li Qesra Spî li dar xist de rojev nirxand û bersiv da pirsên rojnamevanan da.

Psaki got, “Alîkariya ku em didin Ûkraynayê ji bo armancên parastinê ne, ne ji bo armanca êrîşê ye.

Pergalên parastina hewayî ji bo parastinê tên bikaranîn, lê balafir jî ji bo armanca êrîşê tên bikaranîn.”

DYA û 5 welatên bi hinceta “Sûcê şer” ji keny daxwaza civînê kir

Amerîka û 5 welatan bi hinceta ku Rûsyayê li Ûkraynayê “sûcê şer” kiriye, îro bang li Konseya Ewlekariyê ya Neteweyên Yekbûyî (KENY) kirin.

Di daxuyaniya ku li ser hesabê Twîtterê yê Nûnertiya Daîmî ya Îngiltereyê ya li NY hat dayîn da wiha hat gotin:

“Brîtanya, DYA, Fransa, Îrlanda, Norwêc û Albanyayê ji bo Ûkraynayê bang li KENY kirin.”

Li gorî NY di şerê ku Rûsyayê li dijî Ûkraynayê daye destpêkirin de 726 sivîl hatine kuştin, 1,174 sivîl jî birîndar bûne.

Piştî êrîşan 3,1 milyon penaber reviyan welatên cîran.

Back to top button