Li nava Ûkrayna êriş dijwar dibin, di qada navnetewî de jî alozî dijwartir dibin. Serokomarê Ûkrayna Zelensky bang li kesên dixwazin bi kêleka Rûsya re êrişî wan bikin kir û got: Ev yek wê di tevahiya jiyana we de biryara herî şaş be. Serokê DYA Biden jî bi reyên sinirê Serokê Rûsya Putin dileyîze. Bidng piştî gotina “sucdarê şer” bo Putin kar anî, vê carê got: Ew “eşqiya û dîktatorek kujere.” Her wiha Waşîngtonê, Pekîn hişyar kir ku piştevaniya Moskow neke. Di vê navberê de, Rûsya li wê yekê mikur hat ku tengav bûye.
Ûkrayna li dijî êrişên Rûsya hewil dide xwe biparêze.
Dema vê yekê dike jî banga piştevaniyeke hîn zêdetir li welatên rojavayî dike.
Serokomarê Ûkrayna Volodymyr Zelensky di axaftina xwe ya bo raya giştî de, şerê 22 rojên derbasbûyî nirxand.
Zelensky anî ziman ku ew li dijî yek ji hêza herî mezin ya cîhanê şer dikin û wiha got: Agahiya me heye ku artêşa Rûsyayê hewl dide çeteyên ji hin welatan kom bike û bîne Ûkrayna. Niha jî ez hişyariyê didim her kesî, her kesê ku hewl bide li ser axa Ûkraynayê tevlî dagirkeran bibe, wê ev di jiyanê de, biryara wî ya herî şaş be.
Temenê dirêj ji pereyên ku pêşkêşî we hatîn kirin gelek baştire.
Biden vê carê bo Putin: Ew eşqiya û dîktatoreke kujere
Her çiqasî Serokomarê Ûkrayna Zelensky raste rast Serokê Rûsya Vladimir Putin nake armanca xwe, lê Waşîngton vê yekê baş dike.
Serokê DYA Joe Biden gotinên, wê Putin sor bike bikar anîn.
Biden piştî gotina “ew sûcdarê şere” bo Putin bikar anî, doh di Roja St. Patrick de asta van gotinan tundtir kir.
Biden îşaret bi Putin kir û got: Ew eşqiya û dîktatoreke kujere.
DYA, di mijara Rûsya de Çîn hişyar kir: Ger alîkariya Moskow bikin, hûnê berdêla wê bidin
Diyare Waşîngton li Moskow teng kiriye.
Moskow ya piştevanî ji Pekînê xwest, rojên zehmet derbas dike.
Beriya hevdîtina navbera Serokê DYA Joe Biden û Serokê Çînê Xi Jinping de, rêveberiya Waşîngtonê, Pekîn hişyar kir.
Amerîka got, Ger hûn alîkariya Rûsya bikin, wê berdêla wê yekê jî bidin.
Koşka Spî: Fikarên me heye wê çîn alîkariya Rûsya bike
Berdevka Koşka Spî Jen Psaki di daxuyaniya xwe ya çapemaniya rojane de careke din îşaret fikara welatên xwe ya derbarê mijarê de kir.
Psaki got; Fikarên me yên zêde di warê ku Çîn wê alîkariya Rûsya bike de heye.
Lavrov: Li dijî Rûysa biryara bêtirî 5,000 ceza hatine girtin
Di vê navberê de, Rûsya jî li wê yekê mikur hat ku tengav bûye.
Wezîrê Karên Derve yê Rûsya Sergey Lavrov got, Bêtirî 5 hezarî cezayên li dijî Rûsyayê hatine ferzkirin.Ev rekor e. Herî zêde di warê cezyan de YE cihê xwe girtiye.
