Tenê 3 roj maye, di ser despêkirina êrişa Rûsya ya li dijî Ûkrayna re mehek derbas bibe. Rûsya ya ku di pêşketina li ser xaka Ûkrayna de zoriyê dibîne, asta êrişên xwe tundtir kiriye. Moskow ragihand di nava 24 saetên derbasbûyî de, 137 binesaziyên leşkerî yên Ûkrayna hatine têkbirin. Rêveberiya Kîev jî dibêje, wan doh karîne 8 hezar kes ji herêmên şer bo cihên ewle veguhêzîn. Di demek wiha de, Wezareta Parastinê ya DYA (Pentagon) îdia dike ku di destê wan de belgeyên zelal yên derbarê hêzên Rûsya, li Ûkrayna sûcê şer kiriye heye.
Ji Rûsya despêkirina êrişa Rûsya ya li dijî Ûkrayna û heta niha li welat wêraniyek zêde çêbûye.
Tevî bakur û rojhilatê welat, li sernaserî Ûkrayna êrişên Rûsya pêk tên.
Roj li paytext Kîevê hîn sortir ava dibe.
Duman û tirsa li nava bajar, atmosfereke cuda dide avakirin.
Rûsya ya dixwaze derbasî paytext Kîevê bibe, bi êrişên hewayî û çekên giran êriş dike.
Ev der Kîev û dimenên li nava paytextê ne.
Wêraniya li nava paytextê derdikeve, ji dîmenan jî xuya dike.
Bi ronahiya rojê re asta êrişê hîn baştir xuya dike.
Şaredarê Kîevê Vitali Klitschko xendek û çeperên leşkerên Ûkraynayê yên li derdora paytextê kontrol dike.
Dilxwaz û leşkerên Ûkrayna, ewlekariya li nava paytextê jî xurtir kirine.
Leşkerên Rûsya gundê Kamyanskê jî bi çekên giran topbaran kirin.
Di êrişa bi rêbaza ketûrber pêk hate de, ziyanek zêde li herêmê bûye.
RÛsya: Di 24 saetan de 137 binesaziyên leşkerî yên Ûkrayna hatin têkbirin
Berdevkê Wezareta Parastinê ya Rûsya Îgor Konaşenkov li paytext Moskowayê daxuyaniyek da û diyar kir ku hêzên wan bipêşve diçin û bajarokan kontrol dikin.
Konaşenkov bal kişand ku êrîşên artêşa Rûsyayê yên li ser binesaziya leşkerî yên li Ûkraynayê didomin û got,
“Di 24 saetên dawîn de 137 navendên binesaziya leşkerî yên li Ûkraynayê hatin îmhakirin.”
Ûkrayna: 15,300 leşkerên Rûsya hatine kuştin
Sererkaniya Giştî ya Ûkrayna jî bîlançoya şerê 27 rojan a li dijî artêşa Rûsya eşkere kir.
Li gorî vê; 15 hezar û 300 leşkerên Rûsya hatine kuştin.
99 balafir, 123 helîkopter, 509 tank, 1556 wesayîtên zirxî, 252 top, 80 pergalên avêtina roketan û 45 pergalên parastina hewayî yên Rûsyayê hatine bêkêrkirin.
Her wiha 3 keştiyên leza sivik, 70 wesayîtên sotemeniyê û 35 dron jî hatine têkbirin.
Ûkrayna: Di 24 saetan de bêtirî 8,000 sivîl hatine veguhestin
Cîgira Serokomarê Ûkraynayê Îrina Vereşuk ragihand ku wan di 24 saetên dawî de bi rêya korîdorên alîkariyên mirovî 8 hezar û 57 sivîl derbasî herêmên ewle kirine.
Pentagon: Delîlên zelal yên artêşa Rûsya sûcê şer kiriye di destê me de hene
Di vê navberê de, Berdevkê Wezareta Parastinê ya DYA (Pentagon) John Kirby têkildarî êrişên Rûsya yên li ser Ûkrayna agahî da.
John Kirby got, wan dît ku Rûsya sûcên şer li Ûkraynayê dike û ew alîkariya hewildanên komkirina delîlên li ser vê yekê dikin.
Kirby di daxuyaniya xwe ya çapemeniyê ya doh dayî de wiha got:
Rûsya hê jî nikare bikeve bajarên wekî Xarkov, Mariupol, Çernihiv û Kîevê .
Ev rewş artêşa Rûsyayê hê bêtir hêrs kiriye.
Bêguman em delîlên zelal dibînin ku hêzên Rûsya sûcên şer pêk anîne .
Em alîkariya komkirina delîlan dikin, lê ev pêvajoyeke lêkolînê ye û dewam e.”
