Rûsya bi êrişa xwe ya li ser Ûkrayna li quncikê asê bûye. Serokê DYA Biden ev yek îdia kir û got; Ji ber Putin li quncikê asê maye êrişa bi moşeka hîpersonîk pêk anî. Berpirsê YE jî dibêje, Rûsya “sûcê şer yê girseyî” dike. Di nava van îdiayan de çapemeniya Amerîka ragihand ku DYA wê çekên Sovyetê ku li gel xwe girtibûn, bişîne Ûkrayna.
Wêraniya li Ûkrayna, di nava cîhanê de hîna yek ji rojeva sereke ye.
Lê heta niha tevî hemû helwestên di qada navnetewî de, encamek li gorî Kîev dixwaze bidest ne ketiye.
Çavê Ûkrayna jî li welatên Rojava ye ku bi zextê êrişên Rûsya bidin rawestandin e.
Lê ji pêşîgirtinê zêdetir, Rûsya di şerê li Ûkrayna de cara yekem moşeka hîpersonîk bikar anî.
Ev yek li Waşîngtonê rastî bertekên tund hat.
Serokê DYA Joe Biden, li Koşka Spî bi rêveberên 238 şirketan re civiya.
Di civîna li derdora masya gilover hate lidarxistin de Biden bi gotinan êrişî Rûsya kir.
Biden got, serokê Rûsya Vladimir Putin ticarî hêvî nedikir ku wê welatên NATO ewqas li dijî Rûsya hevbigrin.
Niha NATO ji her demê bêtir, hevgirtî ye.
Sedema vê ya sereke jî Putin ne.
Biden anî ziman ku di nava sala dawiyê de wan bi nirxê 2 milyar dolar alîkariya Kîevê kiriyen.
Ev alîkarî jî pirnî di warê parastinê de ye.
Biden îdia kir ku ji ber artêşa Rûsya nikara li pêşberî Ûkrayan bipêş de biçe, Putin fermana bikaranîna moşeka hîpersonîk daye.
Koşka Spî: Rûsya bê cûdahî êriş dike
Berdevka Qesra Spî Jen Psaki di civîna çapemeniyê ya rojane ya doh li Koşka Spî de rojev nirxand û bersiva pirsên rojnamevanan da.
Psaki got, Rûsya bê ferq û cudahî êrişî sivîlan dike.
Borrell: Rûsya li bajarê Mariupol “sûcê şer yên girseyî” dike
Nûnerê Bilind ê Têkiliyên Derve û Polîtîkayên Ewlekariyê yê Yekîtiya Ewropayê (YE) Josep Borrell jî got,
Rûsyayê bi êrîşên xwe yên li Mariupola Ûkraynayê “sûcên şer ên girseyî” pêk anîne.
Josep Borrell beriya civîna wezîrên derve û parastinê yên Yekîtiya Ewropayê li Brukselê bersiva pirsên rojnamevanan da û ragihand ku Rûsyayê qanûnên şer binpê kiriye.
Borrell got, “Rûsya gelek sûcên şer dike. Sûcên şer ên girseyî li bajarê Mariupolê qewimîn. Hema bêjin bajar bi tevahî wêran bûye.
Serokê Amerîka Joe Biden jî wê beşdarî lûtkeya ku 24-25’ê Adarê ji alîyê lîderên YE ve were lidarxistin, bibe.
WSJ: DYA, çekên sovyetê yên veşartî aniyî dide Ûkrayna
Di vê navberê de, tê îdiakirin ku Amerîka biryar daye, alavên parastina hewayî ya Sovyetê bişîne Ûkraynayê.
Amerîka, ev çek bi dehsalan berê bi dizî bidest xistibû da ku kapasîteya xwe ya li dijî êrîşên hewayî yên Rûsyayê zêde bike.
Rêveberên welat ji Wall Street Journal re axivîn û diyar kirin ku Ûkrayna dikare bi van amûran zêdetir êrîşên hewayî û mûşekên Rûsyayê têk bibe.
Yek ji rayedaran diyar kir ku di nav alavên ku bên şandin de pergala fuzeyên dijî balefirê ya menzîl kurt SA-8 jî heye.
