Îro tam 30 roj di serê êrişên Rûsya yên li dijî Ûkrayna dayîn despêkirin re, derbas dibe. Artêşa Rûsya ku guh li welatên cîhanê nagire, bi dijwarî êrişî bajarê Çernihiv kir. Di demekî ku tê îdiakirin hêzên Rûsya nikarin li Ûkrayna pêş bikevin de, leşkerên DYA li çeperên pêş yên Ûkrayna xuya kirin. Komseriya Bilind a Mafê Mirovan a NY (OHCHR) jî ragihand ku ji ber şerê heta niha rûdayî, 90 jê zarok 1,035 sivîl hatine kuştin.
Îro 30 rojin Rûsya êrişî Ûkrayna dike.
Di nava vê demê de, wêraniyeke zêde li welat pêk hatiye.
Bandora xwe ya li ser cîhanê jî di her warî de dide hîskirin.
Îro careke din artêşa Rûsya êrişî herêmên sivîlan yên li bajarê Çernihiv kir.
Ji ber êrişê gleek avahî xera bûn, qutbûna av û elektirîkê jî despê kir.
Şaredarê Çernîhîvê Vladîslav Atroşenko, bal kişand ser kêmbûna av û ceyranê ya li bajêr û got,
“Çernîhîv bê ceyran û bê av ma.
Em dizanin ku li malên we ceyran û av tune.
Em ji her tiştî fêm dikin.
Tîmên me dixebitin.
Li wir gelek pirsgirêk li benda çareseriyê ne.”
Ev der jî bajarê Mariupol yê dikeve rojhilatê welat e.
Bajarê ku ji despêka şer ve rastî êrişên biçekên giran hatî, wêran bûye.
Rûsya bi çekên giran êrişî hêzên Ûkrayna kir
Di vê navberê de, balafira bêmirov yên Rûsya cihên artêşa Ûkrayna ku diyar kirine, bi çekên giran topbaran dike.
Wezareta Parastinê ya Rûsya bi demenekê ku çekên giran êrişî herêmên Ûkrayna dike parve kir.
Wezaretê îdia kir ku wan di êrişê de depoyên çekên Ûkrayna têk birine.
Wezîrê parastinê yê Rûsya Şoygo yê 12 rojin winda bû xuya kir
Li aliyekî din, Wezîrê Parastinê yê Rûsya Sergey Şogo yê ev 12 rojin winda bû xuya kir.
Şoygo piştî gotegotên derbarê wî de, beşdarî Civîna Konseya Ewlekariyê bû.
Dimenê leşkerên dya yên li Ûkrayna şer dikin derket
Di wextekî welatên rojava û taybet Amerîka ji bo tengavkirina Rûsya kar dike de, leşkerên DYA li eniyên pêş yên Ûkrayna xuya kirin.
Dîmenên ku li ser malperên civakî hatin weşandin de tê xuyakirin ku leşkerên Amerîka yên bi dilxwazî çûne Ûkrayna li eniyên pêş bi leşkerên Rûsya re şer dikin.
Tê îdiakirin ku leşkerên cihê xwe di “lejyona neteweyî” ya Ûkrayna de digrin, bandorek mezin dane avakirin.
NY: Di êrişa Rûya li dijî Ûkrayna de 1,035 sivîl hatine kuştin
Komseriya Bilind a Mafê Mirovan a NY (OHCHR) bi daxuyaniyekê jimara sivîlên li Ûkrayna hatine kuştin eşkere kir.
Li gorî Komseriyê; 90 jê zarok 1,035 sivîl hatine kuştin.
118 jê zarok, 1,650 sivîl jî birîndar bûne.
Di daxuyaniya Komseriyê de bal hat kişandina ser wê yekê ku piraniya kesên birîndar bûne di encama topbaranê de pê hatiye.
Jimareke zêde ya kesên mirî jî ji ber êrişên hewayî pêk hatiye.
Li aliyekî din, li gorî daxuyaniya ji aliyê Dozgeriya Ûkrayna ve3 hatiye weşandin, ji despêka şer ve, 135 zarok hatine kuştin û 184 jî birîndar bûne.
