Partiya Sûriyê a Pêşerojê bi boneya salvegera 4’emîn a damezrandina partiyê daxuyaniyek da. Partiya Sûriya Pêşerojê di daxuyaniyê de teqez kir ku dê kar û xebatê xwe ji bo pêkanîna demokerasiyê li tevayî Sûriyê zêdetir bikin.
Çar sal li ser damezrandina Partiya Sûriya Pêşeroj re derbas dibin.
Îro bi boneya salvegera 4’emîn a damezrandina Partiya Sûriya Pêşerojê endamên partiyê li avahiya partiya xwe ya li Reqayê daxuyanî da.
Di daxuyaniyê de hate diyarkirin ku Partiya Sûriya Pêşerojê partiyeke nûnertiya tevahî ol û pêkhateyên li Sûriyê dike û ji bo pêkanîna edalet û wekheviyê têkoşînê dimeşîne.
Di daxuyaniyê de îşaret pê hate kirin ku Partiya Sûriya Pêşerojê hemwelatîbûna destûrî ya wekhev dipejirîne û li dijî her nêzîkatiyek yek alî ye.
Her wiha hate diyarkirin ku di nava çar salên derbasbuyî de Partiya Sûriya Pêşrojê gav ji bo çareseriya Aloziya Sûriyê avêtiye ji bo pêkanîna edaleta civakî xebat meşandiye.
Partiya Sûriya Pêşerojê di dawiya daxuyaniyê de soz da tevahî pêkhateyên Sûriyê ku wê têkoşîna xwe ji bo pêkanîna aştî, azadî û demokrasiyê bidomînin.
Li herêmê çalakî bi boneya salvegera damezrandina partiyê hatin li darxistin
Li aliyekî din jî bi heman armancê Şaxê Partiya Sûriyê Pêşerojê yê li bajaroka Mergeda ya navçeya Şedadê Ofîsa xwe vekir.
Li Helebê jî Şaxê Partiya Sûriya Pêşerojê şahiyek li darxist.
Di şahiyê de gelek axaftin hatin kirin û tê de bal hate kişandin ser girîngiya avakirina Partiya Sûriya Pêşerojê di pêvajoyeke wiha de.
Şahî bi govend û stranan bi dawî bû.
Şaxê partiyê yê li Minbicê jî bi heman armancê şahiyek li darxist.
Cîgirê hevserokê Meclisa partiyê li Minbicê Mihemed Berkel axivî û diyar kir ku rêjîma Sûriyê bi rêya kirinên xwe Sûrî xiste nava tarîtiyekê de, ji ber vê yekê partiya pêşerojê hate avakirin ji bo ku gelê Sûrî ji tarîtiyê xilas bike
Şahî bi gerandina govendan li ber stranan bi dawî bû.
