Dengbêjî yek ji hunera wêjeya devkî ye..Bi dengbêjiyê re jinan bi salan e zimanê xwe parastine û heta roja îro anîne..Yek ji wan jinan jî Besna Hazer e ku çanda dengbêjiyê didomîne.Ew dibêje stranên ku bi zimanê dayikê distire ji bo wê bûne çavkaniya sebrê.
Stranên ku ji aliyê jinan ve di jiyana gundan de, li zozan û bêriyan dihatin gotin, heta niha di baxçika wan de têne parastin.
Yek ji van jinan Besna Hazer e.
Besna li mala xwe ya li quntara Çiyayê Reş ê Serhedê rojên xwe, bi gotina stranên Kurdî derbas dike.
Besna Hazer diyar kir ku ew ji zarokatiya xwe ve stranan distirê, çawa ew ji dayika xwe fêr bû, zarok û neviyên wê jî jê fêr dibin.
Besna weke piraniya dayîkan bi riya dengbêjiya xwe zimanê xwe yê dayîkê parastiye..
Li gorî Besnayê dengbêjî çavkaniya sebra wê ye, ew li çiyayan dinêre û stranên xwe dibêje..
Dengbêjiya ku kevneşopiya wêjeya devkî ya Kurdî ye, xwedî dîrokeke dûr û dirêj e.
Ew ji nifşekî derbasî nifşê din bûye û heta roja îro hatiye..
