Komkujiya li Buça li nava welatên rojava bertekek zêde bi xwere aniye. Lîderên Ewropa daxwaza lêpirsîn û cezakirina berpirsan dikin.
Bi vekişîna hêzên Rûsya ji bakurê Kîevê re, asta hovîtiya li herêmê pêkhatî derket pêş.
Bajarê Buça yê 37 kîlometreyan ji paytext Kîevê dure, cihê xwe ji cenazeyên komî û wêraniyê re hiştiye.
Li dijî vê yekê lîderên Rojavayî û rêxistinên mafên mirovan bi daxuyaniyan bertek nîşan dan û gotin ev yek “sûcê şere”.
Li Buça ya Ûkryana komkujî Johnson: Ev yek delîlek din e ku Putin û artêşa wî sûcên şer pêk anî ye
Serokwezîrê Brîtanya Boris Johnson êrîşên li Bucha wekî “delîlek din ku Putin û artêşa wî sûcên şer li Ûkraynayê dikin” nirxand.
Johnson got: “Êrîşên hovane yên Rûsyayê li dijî sivîlên bêguneh ên li Îrpîn û Bûçayê, îspateke din e ku Pûtîn û artêşa wî li Ûkraynayê sûcê şer dikin.”
Scholz: Divê ji bo sucên artêşa Rûsya pên aniyî lêpirsînek bê despêkirin
Serokwezîrê Almanyayê Olaf Scholz dîmenên êrîşa li Bûchayê weke “bitirs û tirsnak” nirxand û wiha got: “Divê em bê rawestan van sûcên ku ji aliyê artêşa Rûsyayê ve hatine kirin lêkolîn bikin. Ez daxwaz dikim ku rêxistinên navneteweyî derbasî van deveran bibin, da ku ew bi awayekî serbixwe van hovîtiyan belge bikin. Divê sûcdar û kesên ku ev sûc kirine bên darizandin.”
Macron: Divê Rûsya hesab bide
Serokomarê Fransayê Emmanuel Macron dîmenên li Bûchayê wek “bêtehemûl” nirxand û got,
“Rayedarên Rûsyayê wê neçar bimênin ku hesabê van sûcan bidin.”
Draghi: Wehşeta komkujiya li dijî sivîlên bêçek nayê pejirandin
Di dema ku Serokwezîrê Îtalyayê Mario Draghi îdiayên tundiya Rûsyayê yên li dijî sivîlan li Bucha şermezar kir, ofîsa çapemeniyê di daxuyaniyekê de got,
Divê em tavilê dest ji şer berdin, tundiya li dijî sivîlan rawestînin û hesabê tiştên qewimîne bidin.”
Sanchez: Sûcên şer yên hatine kirin bê ceza namîne
Serokwezîrê Îspanyayê Pedro Sanchez, piştî dîtina wêneyên sivîlên li Buchayê hatin kuştin, “tirs, êş û hêrs” anî ziman û got,
“Sûcên şer nayên kirin bê ceza nemînin. Hemî hevgirtin û piştgiriya me bi gelê Ûkraynayê re ye.”
Von Der Leyen: Wê ji berpirsên sucên şer hesab bê xwexstin
Di dema ku lîderên Ewropî ji bûyerên Buça re bertek nîşan dan, Seroka Komîsyona Ewropa Ursula von der Leyen diyar kir ku divê sûcdarên şer hesab bidin.
Leyen wiha got: “Ez ji ber xeberên ku li herêmên ku Rûsya jê vekişiyaye tirseke ku nayê wesifkirin dilgiran im. Bi lezgîn lêpirsîneke serbixwe hewce dike. Berpirsiyarên sûcên şer wê bên hesabkirin.”
Metsola: Divê berpirsiyar û leşker radestî daraz werin kirin
Seroka Parlamentoya Ewropayê Roberta Metsola got, Dîmenên ji Bucha û herêmên din ên Ûkraynayê yên ji artêşa Rûsyayê hatine rizgarkirin “rastiya sar nîşan dide”.
Guterres banga lêpirsîneke serbixwe li NY kir
Sekreterê Giştî yê Neteweyên Yekbûyî (NY) Antonio Guterres di daxuyaniya xwe ya li ser hesabê xwe yê medyaya civakî da wiha got, “Ez bi dîmenên sivîlên li bajarê Bucha yê Ûkraynayê hatin kuştin, gelek matmayî mam. Lêpirsîneke serbixwe, wê bandora rêya cezayên zêdetir bike.”
https://youtu.be/c_qF5LriMWQ
