Rûsya ya li Ûkrayna daxwazên xwe zû bidest naxe bihêrs bûye. Artêşa Rûsya bi moşekên supersonîk êrişî Ûkrayna kir. Serdozgeriya Ûkrayna ragihand ku heta niha 167 zarok hatine kuştin û bêtirî 270 jî birîndar bûne. Ûkrayna îdia dike ku ji ber êrişa wêranker ya Rûsya ya li ser welat, 600 milyar dolar ziyan li aboriya welat bûye. Di dema ev yek li nava Ûkrayna pêk tên de, Polonya ya cîranê Ûkrayna 250 tankên “Abrams” ji Amerîka dikire.
Li Ûkrayna bi derbasbûna rojê re şer derbasî astekî hîn zêde dijwartir dibe.
Artêşa Rûsya ya beriya niha bi moşekên Kruz ji Derya Reş êrişî Ûkrayna kirî, careke din ji heman herêmê êrişî xaka Kîevê kir.
Wezareta Parastinê ya Rûsyayê ragihand ku hêzên wan bi moşekan êrişek pêk anîne.
Hate diyarkirin ku moşkên ji Derya Reş hatine avêtin, yên ji cureya Supersonîk yên Onyex in.
Wezaretê têkildarî herêma hatî armanckirin ti agahî neda.
Li qada bejahiyê jî şereke dijwar di navbera hêzên Rûsya û Ûkrayna de rûdide.
Dimenên têkçûna tankên Rûsya li nava xaka Ûkrayna hat parvekirin
Tank û wesayîtên leşkerî yên Rûsya ku li nava xaka Ûkrayna têkçûne dîmenê wan hatin weşandin.
Di dîmenan de têkçûna hêzên Rûsya ya li herêmê jî xuya dike.
Bi dijwarbûna şerê li Ûkrayna re, bîlançoya heyî giran dibe.
Ûkrayna: Di êrişên Rûsya de 167 zarok hatine kuştin
Serdozgeriya Ûkraynayê bîlançoya zarokên di şerê Rûsya yê li dijî Ûkrayna dayî despêkirin de hatine kuştin eşkere kir.
Serdozgeriyê got, Heta niha 167 zarok hatine kuştin û 279 jî birîndar bûne.
Her wiha 927 saziyên perwerdeyê zirar dîtine û 83 ji wan bi temamî hatine rûxandin.
NY: Bêtirî 11 milyon Ûkrayna ji cihê xwe bûne
Neteweyên Yekbûyî jî ji aliyê xwe ve daneyên dawî yên koçberiya ji ber êrişên Rûsya li welat pêk hatî eşkere kir.
NY ragihand heta niha bêtirî 11 milyon kes li Ûkraynayê koçber bûne.
Ji van kesan 7 milyon û 100 hezar koçî cihekî din ê welat kirin.
Bêtirî 4 milyon jî derketine derveyî welat.
Ûkrayna: Di 24 seatan de 3,800 kes ji bo cihên ewle hatine veguhestin
Hemwextî van bîlançoyan Alîkara Serokwezîrê Ûkrayna Îrîna Versçûk derket pêşberî çapemeniyê û got:
Me kariye di nava rojê de piranî Mariupol û Berdyansk bêtirî 3,800 kesên din ji cihên şer derbasî herêmên ewletir bikin.
Ûkrayna: Êrişê 600 milyar dolar ziyan li aboriya Ûkrayna kiriye
Versçuk diyar kir ku ew li ser lêçûna xisara ku welatê wê ji ber şer gihandiye kar dikin û wiha got:
“Ev reqem 68 milyar dolar e.
Ziyana nerasterast a aboriya welêt 600 milyar dolar e û mixabin her ku diçe zêde dibe.”
Vereşçuk teqez kir ku divê Rûsya zirarên ku behsa wan tê kirin veşêre.
Zelensky madalya li leşkeran belav kir
Di vê navberê de, Serokomarê Ûkraynayê Volodymyr Zelensky madalya da leşkerên di şer de qehremantî nîşan dan.
Zelensky madalya li malbatên leşkerên hatine kuştin ji belav kir.
Polonya 250 tankên “Abrams” ji DYA dikire
Li aliyekî din, Polonya ya ku welatekî cîranê Ûkrayna ye û ji ber êrişa Rûsya li ser Kîevê bifikar e, hêza xwe ya leşkerî xurt dike.
Wezîrê Parastinê yê Polonyayê Mariusz Blaszczak diyar kir ku ewê 250 tankên “Abrams” ji DYA bikirin.
Nirxê van tankan jî dike 4,75 milyar dolar û radestkirina yekem wê îsal pêk were.
