Projeya xwedîkirina mirîşkan a girêdayî aboriya Kongra Star yek ji projeyên destpêkê ya sala 2022’an e. Endama Rêveberiya Aboriya Kongra Star Şehnaz Îbrahîm da zanîn bi riya vê projeyê ew destek didin jinan da ku debara mala xwe bikin.
JINHAGENCY – Li gundê Um-El Rebîh ê Amûdê projeya jinan a xwedîkirina mirîşkan
dimen hawiza cudi de ne
Ji pêşxistina aboriyek xweser, Komîteya Aborî ya Kongra Star a herêma Cizîrê ji bo jinan gelek proje dest pê kir.
Li gundê Um-El Rebîh ê girêdayî navçeya Amûdê-Bakur û Rojhilatê Sûriyê jî projeyek xwedîkirina mirîşkan hatiye pêşxistin.
Çend meh in dest bi vê projeyê hatiye kirin.
Di projeyê de 8 jinên Ereb ku her yek ji wan 10 mirîşkan xwedî dike cih digrin.
Têkildarî naverok û armanca projeyê, jinên ku di projeyê de cih digrin axivîn.
Rêveberiya Aboriya Kongra Star a navçeya Amûdê Şehnaz Îbrahîm diyar kir armanca wan ji projeyê ku bi jinan re alîkar bin.
Şehnaz destnîşan kir bi riya koperatîvan jin berhemên xwe kom dikin û aboriya xwe xurt dikin û wiha bi dawî kir.
Jin bi riya van projeyan dikarin xwe bi rêve bibin û alîkariya malbata xwe bikin.
Di koperatîvan de kes bi bin nakeve, berovajî ev yek fîdeyeke mezin li jinan dike.
Endama koopratîfê Cenîn Al- Elî jî derbarê tevlîbûna xwe ya projeya wiha got;
Ev gavek baş bû ji ber piraniya xelkê gund ji Serê Kaniyê ne.
Ez pir kêfxweş im ku projeyek wiha hatiye despêkirin, ji ber bi rastî pêdiviya me bi tiştek wisa hebû.
Aboriya Kongreya Star sûdeke pir xweş li me kir, niha em bi wan berhemên xwe debara mala xwe dikin.
Cenîn Al- Elî axaftina xwe ji van gotinan bi dawî kir:
Hêviya me ew e projeyên hîn mezintir ji bo me tevahî jinan werin vekirin da ku em bi xwe aboriya xwe bi rê ve bibin û pêwîstiya me bi tu kesî tunebe.
