Li bakurê paytexta Ûkrayna Kîevê, ji herêmê Rûsya vekişiyayîn cenaze li ser cenazeyan tê dîtin.
Rêveberiya Polênsên herênma Kîevê ragihand heta niha cenzeyê 720 sivîlan hatiye tesbîtkirin û hîna 200 sivîl winda ne.
Waliyê Doneteskê jî îdia kir jimara sivîlên li bajarê Mariupolê hatine kuştin, 22 hezar derbas kiriye.
Her ev bajarê ku di bin dorpêça Rûsya de ye, şereke dijwar lê rûdide.
Moskow îdia kir ku li bajar bêtirî hezar leşkerên Kîevê xwe radestî hêzên wan kiriye.
Tîma Fransa ya ji bo lêkolînkirina sûcên şer ên Rûsya li dijî sivîlan niha li Ûkrayna ye.
Ûkrayna berdêla êrişa Rûsya ku ev 48 rojin li ser welat dewam dike dide.
Bakurê paytext Kîevê ji wêranî û kuştinên sivîlan di rojeva cîhanê de ye.
Rêveberê Polîsên Herêma Kîevê Andrey Nebîtov ragihand ku hejmara sivîlên ku li herêmê mirine 720 derbas kiriye.
Andrey Nebîtov di daxuyaniya xwe ya ji ser hesabê Telegramê yê Wezareta Karên Navxweyî ya Ûkraynayê da.
Nebîtov diyar kir ku wan heta niha bêtirî 3 hezar lêpirsîn derbarê sûcên leşkerên Rûsyayê yên li herêma Kîevê pêk aniye de vekirine.
Rêveberê Polîsên Herêma Kîevê anî ziman ku bêtirî 720 cenaze hatine tesbîtkirin û hîna 200 jî winda ne.
Bîlançoya sivîlên li Mariupol hatine kuştin 22,000 derbas kir
Li Mariupol îdiayên metirsîdar ji aliyê Kîevê ve têne kirin.
Waliyê Donetskê Pavlo Kyrylenko derbarê rewşa Mariupolê de daxuyanî da û diyar kir ku li bajêr hejmara kesên sivîlên mirine gihişt 22 hezarî.
Tîmeke taybet a Fransa ji bo lêkolînkirina sûcên şer li Ûkrayna ye
Di dema ku êrîşên Rûsyayê yên li ser Ûkraynayê dewam dikin, lêkolînên li ser mirina sivîlan li herêma Kîevê ya ku artêşa Rûsyayê vekişiyaye didome.
Dozgera Giştî ya Ûkraynayê Irina Venicetova ragihand ku tîmeke taybet a Fransayê ji bo berhevkirina delîlên ku Rûsyayê li Ûkraynayê “sûcên şer” kiriye û lêkolîna mirina sivîlan, li welat in.
Ûkrayna: 19,800 leşkerên Rûsya hatine kuştin
Li aliyekî din, Sererkaniya Ûkrayna bîlançoya 48 rojan a şerê li Ûkrayna eşkere kir.
Li gorî vê;
19,800 leşkerên Rûsya hatine kuştin.
158 balafir, 143 helîkopter û 739 tankên artêşa Rûsya hatine têkbirin.
Rûsya: Li Mariupol 1;026 leşkerên Ûkrayna xwe radest kirine
Moskow jî ji aliyê xwe ve bîlanço û encama şerê li Ûkrayna bi daneyên cuda radigihîne.
Berdevkê Wezareta Parastinê ya Rûsya Îgor Konaşenkov bi daxuyaniyekê ragiahnd ku li Mariupolê, 1,026 leşkerên Ûkrayna xwe radest kirine.
Di nava van de 162 fermandar û 47 jin jî hene.
Rûsya îdia kir ku heta niha 130 balafir, 103 helîkopter û 2,169 tank û maşîneyên zirxî yên artêşa Ûkrayna hatine bêkêrkirin.
Pentagon ji bo piştevaniya çekan a Ûkrayna wê bi 8 şirketan re bicive
Hemwextî rewşa heyî Wezareta Parastinê ya DYA (Pentagon) ji bo piştevaniyek hîn zêdetir bo Kîevê li rêbazan digere.
Berpirsekî ji Pentagonê ragihand ku ew ê ji bo bicihanîna çekên pêwist bû Kîevê wê bi 8 şirketên çekan re bicivin.
