Şêniyên li herêmên dagirkirî ev çend sal in di rewşeke xerab de ne.
Dagirkeran jiyan li wan kiriye dojeh û bi her awayî li dijî wan zext tên kirin.
Ji ber vê rewşê, êdî şênî li wir teheml nakin û hewil didin ji sûcên wan birevin.
Duh çar malbat ji Grê Spî ya dagirkirî reviyan û ber bi herêmên QSD’ê û Rêveberiya Xweser ve hatin.
Ev malbat wiha hestên tînin ziman dibêjin:
Weke ku sê sal em di girtîgehê de bin û niha azad bûbin ewqas kêfxweş in.
Ev dîmenên reva ji zilm û dagirkeriyê ne.
Taybet şêniyên Girê Spî ne ku ji çeteyên Tirkiyê û sûcên wan direvin.
Li wan herêmên dagirkirî li dijî şêniyên wan bi salan e binpêkirin û sûc tên kirin.
Ji ber van sûcan jiyan li şêniyan bûye dojeh û nema dikarin li wan herêman biqedînin.
Ji ber vê, her ku firsendê bibînin ji çeteyan direvin û berê xwe didin herêmên Rêveberiya Xweser.
Duh 4 malbat ji Girê Spî ya dagirkirî reviyan.
Ev malbat jî ji 24 kesan pêk tên.
Bi alîkariya Hêzên Asayîşê û Meclisa Leşkerî ya Girê Spî ev malbat li herêmê hatin pêşwazî û bicihkirin.
Piştî ku pêdiviyên wan ên pêşîn hatin dabînkirin radestî Meclisa Gel a Eyn Îsayê hatin kirin.
Yek ji kesên di nava wan de Casim El Mihemed e.
Casim behsa rewş û tarîtiya li Girê Spî dike û kêfxweşiya xwe ya rizgariyê wiha tîne ziman:
Ji dema ku dewleta Tirk hatiye me zeviyên çandiniyê nedîtine.
Ev sê sal in em di tarîtiyê de ne.
Em talan bûn .
Li ser van pezan em xwedî dibûn ew jî birçî ne.
Niha em gelek kêfxweş in ku em ji wê tarîtiyê rizgar bûn.
Her kesî bi me re alîkar bû, ez wan spas dikin.
Koçbera bi navê Şehe El Ubêd jî behsa zehmetiyên li wan herêman dike û hestên xwe yên kêfxweşiyê tîne ziman.
Em ji birçîbûnê reviyan.
Ne mazota me mabû ne jî pêdiviyên me yên sereke.
Bi mehan bû me ceh dixwar.
Me nedikarî derkevin derveyî gund.
Wekî ku em di girtîgehê de bin.
Em neçar man mal û erdên xwe berdin.
Tu çare ji me re nehiştin.
Niha em gelekî kêfxweş û rehet in û em ji wir xilas bûn
Endama Meclisa Sivîlan a Eyn Îsayê Şêrîn Ebûd jî dibêje:
“Ji bo sivîlên li qadên dagirkirî dijîn em gelek hewldanan dikin ku wan rizgar bikin.”
https://youtu.be/udOubcbXhLQ
