Rûsya ya li nava xaka Ûkrayan dizivire, stratejiyên nû dixe meryetê.
Niha armanca sereke ya hêzên Rûsya herêma Donbas xuya dike.
Serokomarê Ûkraynayê Zelensky got,
Oparasyona Rûsya ya li dijî herêma Donbasê despê kir.
Piştî têkçûna Rûsyayê di dorpêçkirina paytexta Ûkrayna Kîevê de biser neket, despêkirina êrişeke li dijî herêma Donbasê dihat pêşbînî kirin.
Di destpêkê de dihat gotin, armanca Rûsyayê girtina bajarên mezin ên Ûkraynayê û hilweşandina hikûmetê ye.
Lê, piştî şerekî dijwar yê li welat, rêveberên Rûsyayê îdia kirin ku “qonaxa yekemîn ya oparasyonê gihiştiye armanca xwe.”
Rûsya bi vê yekê re leşker ji deverên derdora paytextê vekişand.
Rayedarên Rûsî piştre ragihandin ku plana wan “rizgarkirina” herêmê ye û bal kişandin ser herêma Donbasê.
Serokdewletê Rûsyayê Vladimir Putin ev êrîş weke bêçekkirina Ûkrayna û “paqijkirina bandora Naziyan” bi nav kir.
Rûsya êrişî herêmên Luhans û Donetsk kir, 8 sivîl hatin kuştin
Rûsan êrîşên xwe yên bi roket û topan li herêmên rojhilat heta doh dewam kirin.
Li bajarê Kremînna yê Luhansê û li herêma Donetsk 8 sivîl hatin kuştin.
Waliyê herêma Lûhanskê li beşek bajarên herêmê yên şer lê rûdidin rewşa heyî weke dojehê binav kir.
Li Xarkovê walîtiyê ragihand ku li herêmên ku lê tê payîn ku pevçûnên dijwar rû bidin sivîl ji bo herêmên ewletir hatine veguhestin.
Zelensky: Rûsya êrişa dijî Donbasê despê kir
Serokomarê Ûkrayna Volodymyr Zelensky şevê din peyamek vîdeo weşand û wiha got:
“Şerê Donbasê dest pê kiriye”.
Ez û leşker wê welat biparêzin.
Em soz didin dest ji tiştekî bernedin.
Zelensky anî ziman ku Rûsya çiqasî leşkeran bişêne herêmê jî ew ê şerê xwe bidomînin.
Moskova meha borî ragihandibû ku ji sedî 93’ê Luhanskê û ji sedî 54’ê Donetskê kontrol dike.
Tê texmînkirin ku li herêma Donbas a Ûkraynayê di navbera 40-50 hezar leşker hene.
Piraniya van leşkeran bi salan li herêmê li dijî cudaxwazên bi piştgirîya Rûsyayê şer dikin.
Danîlov: Rûsya hewil dide xetên pêşîn yên hêzên Ûkrayna bişkîne
Serokê Konseya Ewlehî û Parastinê ya Neteweyî ya Ûkraynayê Oleksîy Danîlov diyar kir ku Rûsya hewl dide li herêmê xetên pêşîn ên Ûkraynayê bişkîne.
Ji şêwirmendên sereke yên Zelensky, Andriy Yermak got;
Êrîş “qonaxa duyemîn a şer e”.
Bi artêşa me bawer bin.
Putin di axaftina xwe ya hefteya borî de ragihandibû ku guhertina Rûsyayê di plansaziyan de ew e ku “alîkariya gelên ku li Donbasê dijîn û têkiliyên wan ên ku bi Rûsyayê re nayên qutkirin” e.
Pentagon: Rûsya şertên êrişên xwe yên paşerojê destnîşan dike
Berdevkê Pentagonê John Kirby hişyarî da ku Rûsya “şertên êrîşên xwe yên paşerojê destnîşan dike”.
Berpirsekî ji Pentagonê jî ragihand ku jimara tabûrên taktkî yên Rûsya li rojhilatê Ûkrayna gihandiye 76’an.
