Rûsya bi hemû hêza xwe, ji rojhilatê Ûkrayna ve dest bi êrişê kiriye. Ûkrayna jî dibêje ewê heta dawî şer bikin. Her wiha bi qasî şerê li ser erdê nebe jî di pevguhertina dîlên şer de, gotinên tund di navbera London, Kîev û Moskowê de tên kirin.
Li ser xaka Ûkrayna 55 rojin şereke dijwar heye.
Rûsya ji rojhilatê Ûkrayna ve xwe berdide nava welat.
Bajarê Mariupol di nav de, artêşa Rûsya bi dehan bajarên rojhilat daye ber xwe.
Artêşa Ûkrayan jî bi rêya dronan derbên xurt li Rûsya didin.
Rûsya: Hêzên Ûkrayna êrişî bajarê Belgorod yê li sînor kir
Li aliyek din Rûsya îdia kir ku hêzên Ûkrayna êrişî bajarê Belogord yê wan kiriye.
Waliyê bajar yê Rûsî îdia kir ku di êrişê de jinek birîndar bûye.
Têkildarî êriş bi moşek yan jî topane ti agahî nehat parvekirin.
Artêşa Rûsya bi dijwarî êrişî kargeha Azovstal ya Mariupolê kir
Şaredariya Mariupolê dîmenên hewayî yên êrîşa li ser kargeha Azovstal a di bin kontrola Ûkraynayê de ye, weşand.
Êrîşa artêşa Rûsyayê ya li ser bajarê Mariupol ê Ûkraynayê ji hewayê ve hat kişandin.
Di daxuyaniya ku ji teref Şaredariya Mariupolê ve hat belavkirin de wiha hate gotin: Bombebarana hêzên Rûsya li ser kargeha Azovstalê didomînin. Di sitargehên kargehê de bêtirî hezar jin, zarok û kesên kal hene.”
Alîkara Serokwezîrê Ûkraynayê Irina Vereşuk got, “Ez bang li rêveberiya leşkerî û siyasî ya Rûsyayê dikim. Em daxwaz dikin ku ji bo sivîlên ji Mariupolê ber bi Berdyanskê ve korîdoreke mirovî bê vekirin.”
Bajarê Mariupolê ji bo Rûsya roleke kilît dileyîze.
Rûsya: 13 binesaziyên leşkerî bi moşekên taybet hatin armanckirin
Berdevkê Wezareta Parastinê ya Rûsya Îgor Konaşenkov bi daxuyaniyeke çapemeniyê bîlançoya şer eşkere kir.
Konaşenkov diyar kir ku 13 binesaziyên leşkerî yên Ûkrayna bi moşekên taybet hatine armanckirin.
Wezareta Parastinê ya Rûsya îdia dike ku heta niha di êrişan de, 140 balafir, tevî 252 sîstemên moşekên parastina esmanî, 2 hezar û 353 tank û maşîneyên zirxî yên artêşa Ûkrayna hatine bêkêrkirin.
Şerê pevguhertina dîlên şer ya navbera Kîev û Moskow didome
Di vê navberê de, şerê pevguhertina dîlan ya navbera Kîev û Moskowê de didome.
Duh di navbera Rûsya, Ûkrayna û Îngilîstanê de şerê pevguhertina girtiyan qewimî.
Servîsa Ewlekarî ya Ûkraynayê (SBU) doh vîdyoyek ji karsazê Ûkraynayê yê alîgirê Rûsyayê Viktor Medvedchuk, ku li Ûkraynayê hatibû girtin, belav kir.
Ûkrayna dixwaze Medvedchuk bi Ûkrayniyên ku dema li bajarê Mariupolê yê dorpêçkirî şer dikirin, bên guhertin.
Ji aliyeke din ve, televizyona Rûsî axaftina 2 leşkerên Brîtanya yên ji aliyê Rûsya ve hatine tomarkirin belav kir..
Girtî ji Serokwezîrê Brîtanya Boris Johnson daxwa dikin ku li gel Rûsya bikeve danûstandinan.
https://youtu.be/_VQxkR36Rn8
