Rêber Apo di nirxandineke xwe ya beriya niha de işaret bi hevkariya PDK’ê ya bi dagirkeriyê re kiribû û gotibû, “Kinc yê PDK’ê ye, lê kesê di nav de kontrayên dewleta Tirk in.” Rêber Ocalan gotubû, “Divê PDK piştgiriyê nede dewleta Tirk. Ger bixwazin me ji holê rakin, em ê bi rengekî bêhempa li ber xwe bidin.”
Dewleta Tirk a dagirker, di 17’ê Nîsanê de di şexsê gerîlayên azadiyê de li dijî gelê Kurd û destkeftiyê wan dest bi operasyonek nû a qirkirinê kir.
Ev tevgera dagirkeriyê jî bi hevkariya PDK’ê pêk te.
Têkildarî hevkariya PDK’ê ya bi dijminên gelê Kurd re hin nirxandinên Rêber Apo hene û qala vê yekê dike.
Rêber Apo di nirxandina xwe de diyar dike divê gelê Kurd hemû bi zanin ku ev şerekî PKK û PDK’ê nîne û wiha dibêje:
“Her çend ev şer li Başûr, qaşo li herêma PDK’ê diqewime jî li wê derê Tirkiye heye.
Kinc yê PDK’ê ye, lê kesê di nav de kontrayê dewleta Tirk e.
Niha tê dîtin ku îrade bi temamî di destê yekîneyên şerê taybet yên dewleta Tirk de ye.
Şaş e ku mirov nirxandineke wisa bê kirin ku weke îradeyeke PDK’ê heye.”
Rêber Apo tîne ziman îro hemû pereyên ji PDK’ê tên Tirkiyê li ser kuştina PKK’ê têne dayin û wiha dewam dike:
Rêber Apo: Eger bixwazin me ji holê rakin em ê bê hempa li ber xwe bidin
“Tevî van hemûyan eger tê gotin, ‘PDK jî rêxistineke Kurd e’ tişta ez ê bêjim wiha ye: Bila ji hêzên Tirk re nebin alîkar.
Bila wan seferên berfireh ên tunekirinê li dijî me nekin, di vê mijarê de bila baweriyê bidin, em ê dîsa vî şerî nekin.
Lê belê dixwazin me ji hole rakin, em ê bi rengekî bêhempa li ber xwe bidin, mîna ku me heta niha li ber xwe da.”
Rêber Ocalan destnîşan dike xiyaneta navxweyî ya Kurdistanê xizmeta xwe ya dawî ji dijmin re dike û dibêje:
“Em dixwazin vê xizmetê bisekinînin.
Hesabpirsîna me bûye gava dawî ya hesabpirsîna dîrokî.
Di vê hesabpirsîna dîrokî de hêzên gel ku ev jî dibe para PKK’ê, wê bi ser bikevin.”
Dawî Rêber Apo tîne ziman jiyan li vî welatî ya wê bi cihgirtina li nava vî şerî û piştgiriya wê dewam bike, an jî wê bi dijmin re dewam bike û vê bangê dike:
“Meşa bi dijmin re bi têra xwe dewam kiriye, dibêjim êdî bes e.
Bes e ji vê hevkariya bi dijmin re.
Divê hin rêxistinên Kurd ên bêferaset, nêzîkatiya xwe deynin aliyekî.
Kar ji niha û pê ve li Kurdistanê wê bi vî rengî bimeşe.
Ji bilî vê ne jiyan qebûl dike, ne jî em qebûl dikin.”
