Fermandarê Giştî yê QSD’ê Mezlûm Ebdî got, Tirkiyê bi êrişên xwe, peymanên navneteweyî yên ku bi dewletên garantor re îmze kiriye, bin pê dike û têkoşîna li dijî DAIŞ’ê asteng dike.
Fermandarê Giştî yê (QSD) Mezlûm Ebdî têkildarî êrişên domdar ên dewleta Tirk li ser herêmê postek li ser hesabê xwe yê twîtterê parve kir.
Mezlûm Ebdî dibêje :
“Tirkiyê binpêkirina peymanên navneteweyî yên ku bi dewletên garantor re li herêmên me îmze kiriye, didomîne.
Êrişa li ser Kobanê, hedefkirina sivîlên bêgunehe.
Qetilkirina kesayetên rêveber bi balafirên bê mirov provokasyon in ku gefan li ewlehî û aştiyê dixwin.
Her wiha operasyonên li dijî DAIŞ’ê asteng dikin.”
