Biryargeha Navendî ya Parastina Gel, têkildaîr berxwedana li dijî dagirkeriya Tirk, peyamek ji bo hêzên gerîlla re şand.
Fermandariya biryargehê berxwedan weke şerê hebûn û azadiyê binav kir û wiha got:
Eger em dijmin li Zapê têk bibin, wê rêjîma li Enqerê hilweşe.
Fermandariya Biryargeha Navendî ya Parastina Gel bi rêya cîhazê bê-têl peyamek ji bo gerîllayan şand.
Fermandarê îşaret bi girîngiya dîrokî ya berxwedana li herêma Zapê kir û wiha got:
17’ê Nîsanê li dijî êrişa dijmin a li hemberî herêmên Zap û Avaşînê, hevrêyên me bi rihekî fedaî liberxwe didin.
Şerê îro diqewime ne ji rêzê ye. Bi qasî gelê Kurd û tevgera wî ya azadiyê, ev şer ji rêjîma Tirk a faşîst re pir girîng e.
Lewma dewleta qirker ji sala 2016’an ve hewl dide destketiyên gelê Kurd ji holê rake û bi xeyala zindîkirina “Osmaniya Nû” dixwaze axa welatê me dagir bike.
Fermandariya Biryargeha Parastina Gel: Serkeftina Zapê, wê rêya azadî û serfiraziyê nîşanî me bide
Bê goman ev êrişa ji bo gelê me çendîn xeter e, ewqasî ji bo gelê Ereb û temamî gelê heremê jî gefek mezin e.
Serkeftina li dijî vê tevgerê wê rêya azadî û serfiraziyê nîşanî me bide.
Fermandariyê diyar kir ku tişta îro dewleta Tirk dike, tolhildana têkçûna xwe a sala 2021’an û got:
Berxwedana ku li Garê destpê kir û li herêmên din belav kir, rê li pêşiya plana dagirkirina axa Başûrê Kurdistanê girt.
2021’an bû sala têkçûyîna dijmin, ji ber vê bi êrişa dawî hewl didin tola vê yekê hilgirin.
Pêşengiya vê tevgera dagirkeriyê, rêjîma faşîst a AKP-MHP dike.
Fermandariya Biryargeha Parastina Gel: Dibe ku dagirker êrişî Mexmûr, Şengal û Rojava jî bikin
Êrişa li dijî Zapê destpêke. Plana wan ew e ku vê yekê berfereh bikin û di rojên pêş de êrişî xeta Metînayê jî bikin.
Heta artêşa dagirker dikare êrişên xwe dirêjî Mexmûr, Şengal û Rojavayê Kurdistanê jî bike.
Berxwedana ku îro li hemberî teknîka ewqas dijwar ve nîşanî me dide;
Ger em biserkevin, dijmin tenê li Zapê nakeve, wê li Enqerê jî bikeve. Rêjîma faşist û qirker wê hilweşe.
Bidestxistina serkeftineke wiha wê ne hêsan be. Ji bo wê baldarî, sebir û biryardarî lazime.
Ev hemû taybetmendiyên tevgera Apoyî ne.
Ya ku niha gerîlla dikin ne şerê leşkerên ji rêzê ye. Ew şer şerê Egîdan e.
Her çeper û tunel ji bo me kelehên berxwedanê ne.
Tişta niha bi awayekî zelal eşkere bûye ev e;
Rihê şerkirinê yê dijmin tine ye. Ew tenê xwe dispêre teknîka giran.
Ji bo em vê hêviya wan pûç bikin, tişta pêwîst ew e ku em xwe li hemberî vê teknîkê biparêzin.
Fermandariya Biryargeha Parastina Gel: Eşkere PDK bi her awayî destekê dide êrişa dagirkeran
Fermandariya Biryargeha Navendî ya Parastinê gel diyar kir ku PDK’ê di êrişa dagirkeriyê de eşkere destekê dide dewleta Tirk û got;
Qadên gerîlla dorpêç dikin, ambargo datînin, rê qut dikin û agahiyên îstîxbaratî bi dijmin re parve dikin.
PDK’ê bi her awayî destekê dide dagirkeran.
Ji bo vê em dibêjin, lazim e gelê me li hemberê vê yekê bisekine.
Dijmin dixwaze şerê Kurd û Kurd pêş bixe. Siyaseta PDK jî ji vê re vekiriye û pir zêde xeter e.
Di vê mijarê de divê hêzên me hişyar bin.
Em ne alîgirê şerê Kurd û Kurd in, lê ku werin ser me, divê heval xwe biparêzin û bersiva pêwîst bidin.
Pêwîste neyê jibîrkirin,
Serkeftina Zap û Avaşîn serkeftina gelê Kurd e.
Di vî şerê pîroz de wê gerîlla dîrokeke nû binivîsîne.
