Li Ûkrayna 2 meh û 3 rojin şerke wêraniyê heye.
Rûsya tevahî çekên xwe yên giran li ser bajarên Ûkrayna diceribîne.
Moskow ragihand ku bi moşekên “Kalibr” êrişek li dijî çekên DYA û Ewropa şandîne bajarê Zaporijya pêk anîne.
Bi dijwarbûna şerê heyî re, girêdana navbera herdû welatan jî veduguhere dijminahiya netewî.
Abîdeya Dostaniya Rûsya û Ûkraynayê ya li Kîevê hat rûxandin.
Sekreterê Giştî yê NY Guterres ragihand ku ji bo derxistina sivîlên li kargeha çelîk a Azovs-talê wê tîmên Xaça Sor a navnetewî jî destwerdanê bikin.
63 rojin Rûsya li nava xaka Ûkrayna êrişan pêk tîne.
Her çiqasî Moskow heta niha negihiştiye aramanca xwe jî lê êrişên xwe ranawestîne.
Bajarê Mariupol yê wêranbûyî, nîşaneye herî diyar a vê wêraniyê ye.
Li bajarê ku xwedî ciheke stratejîke, Rûsya dixwaze encamê bigre.
Rayedarên herêmî dibêjin, ji ber dijewarbûna şer, hema bêje bajar bi giştî wêran bûye.
Ajansa Reutersê jî bi agahiyên xwe yên spartî çavkaniyên rêvberiya Ûkrayna diyar kir ku li bajar cihên dîrokî tevahî hatine wêrankirin.
Abîdeya dostaniya Rûsya-Ûkrayna ya li Kîevê hate hilweşandin
Li dijî êrişên wêraneker yên Rûsya ji şaredariya paytexta Ûkrayna Kîevê gavek nû hat avêtin.
Şaredariyê abîdeya dostaniya Rûsya-Ûkrayna pênase dike, hilweşand.
Her wiha wê 60 abîdeyên ku soveyetê pênase dikin jî werin xerakirin.
NY: Xaça Sor jî wê tevlî valakirina li Azovstalê bibe
Sekreterê Giştî yê Neteweyên Yekbûyî Antonio Guterres û Serokê Rûsyayê Vladimir Putin doh civiyan.
Di civînê de Putin û Guterres li ser tevlêbûna Komîteya Xaça Sor a Navneteweyî di derxistina sivîlan de li kargeha hesin û pola Azovstal a Mariupolê li hev kirin.
Guterres di hevdîtinê de ji Putin daxwaza vekirina korîdorên mirovî yên ji bo sîvîlan dubare kir.
Ûkrayna. 22,400 leşkerên Rûsya hatine kuştin
Di vê navberê de bîlançoyên şerê li Ûkrayna jî diyar bû.
Sererkaniya Ûkrayna ragihand ku di şerê 63 rojin li welat pêk tê de, 22,400 leşkerên Rûsya hatine kuştin.
185 balafir, 155 helîkopter û 939 tankên Rûsya jî hatine bêkêrkirin.
Li hemberî van kuştiyên leşkerên Rûs yên ji alîkyê Kîevê ve hatine ragihandin, Moskow herî dawî 25’ê Adarê îdia kiribû ku tenê 1,351 leşkerên wan hatine kuştin.
Rûsya: Me bi moşekan êrişî çekên DYA û ye şandîne bajarê Zaporijya kir
Rûsya jî ji aliyê xwe ve bîlançoya şerê heyî eşkere kir.
Berdevkê Wezareta Parastinê ya Rûsya Îgor Konaşenkov diyar kir ku wan bi moşekên “Kalibr” êrişî çekên ku DYA û YE şandîn bajarê Zaporijya kir.
Li gorî Rûsya heta niha;
141 balafir, 110 helîkopter, 2 hezar û 596 tank û wesayitên zirxî yên Ûkrayna hatine têkbirin.
