Serokê Ukraynayê Zelensky rewşa li bajarên Buça û Marîupolê weke xedar binav kir û got, Tevî vê yekê jî ez amade me li gel Pûtîn hevdîtinê pêk bînim. Di vê navberê de Amerîka Eşkere kir ku wan li Almanyayê dest bi perwerdekirina leşkerên Ukraynayê kirine. Wezîrê Karê Derve ê Rûsyayê Lavrov hişyar kir ku eger çekên NATO bighêjin Ukraynayê, wê bibin hedefa artêşa Rûs.
Êrişên Rûsya li dijî Ukraynayê ku rê li ber şerekî cîhanî vekir, 2 mey li pey xwe hiştin.
Demên dawî pişî ku bajarê Marîupolê kontrol kir, artêşa Rûsyayê berê xwe daye Donbasê.
Her wiha piştî demeke dirêj, pêr paytext Kiev dîsa bû armanca êrişa moşekên Rûs.
Di rewşeke wiha de serokê Ukraynayê Zelensky ragihand ku ew hê jî ji bo hevdîtinê amade û got;
Tevî xedariya Rûs a li bajarên Buça û Marîupolê jî ez amade me li gel Pûtîn biaxivim.
Zelensky wekî din got, êrişên Rûsya li dijî welatê wî her ku diçe dijwartir dibin û got, eger wisa dewam bike wê şensê danûstandinan ji holê rabe.
Niha gelê me li Buça û Marîpolê tenê dixwazin leşkerên Rûs bêne kuştin. Li hemberî vê helwesta gel pir zor e em biaxivin.
Amerîka: Me li Almanyayê dest bi perwerdekirina leşkerên Ukyanyayî kir
Di vê navberê de Amerîka ku ji destpêka şer ve alîkariya madî û leşkerî dide Kievê asta pêştevaniya xwe zêde dike.
Wezareta Parastinê ya Amerîkayê eşkere kir ku wan li Almanyayê dest bi perwerdekirina leşkerên Ukraynayê kirine.
Berdevkê Pentagonê John Kirby diyar kir ku perwerdeya wan li ser mijarê bikaranîna topxane û pergala radaran e.
Herî dawî Berlîn jî piştî demeke dirêj qebûl kir ku ew ê çekên giran bide Ukraynayê.
Lavrov: Çekên bighêjin Ukrayan wê bibin hedefa artêşa me
Li hemberî vê helwesta welatên Rojavayê, wezîrê karê derve a Rûsyayê Sergey Lavrov daxuyaniyek da.
Lavrov îdîa kir ku welatên Rojavayî operasyona wan a taybet asteng dikin û ev hişyarî da:
Em niha hemû rêyên veguhestina çekan ji bi Ukraynayê dizanin.
Divê were zanîn ku çawa ev çek gihiştin Ukraynayê, wê bibin hedefa artrêşa Rûs.
