Rûsya her sal 9’ê Gulanê weke “roja serkeftina” xwe ya di Şerê Cîhanê yê Duyemîn de pîroz dike.
“Roja Serketinê” ji bo gelek malbatên li welêt cejneke pir watedar e.
Ev roj ji bo Artêşa Rûsyayê jî xwedî wateyeke taybet e.
Îsal ev roj wateyeke nû li xwe barkiriye û tê çaverêkirin Serokê Rûsyayê Vladimir Putin destkeftên mezin ên Rûsyayê di şerê Ûkraynayê de ragihîne.
Wê demê gelo girîngiya îro çi ye?
Şerê Cîhanê yê Duyemîn, heta roja îro şerê herî mezin bû.
Şerê ku di Îlona 1939’an de bi dagirkeriya Almanyayê ya Polonyayê dest pê kirî, 1945’an bi dawî bû.
Di şer de bi deh milyonan mirov jiyana xwe ji dest dan, bi mîlyonan kes jî neçar man malên xwe biterikînin.
Yekîtîya Sovyetê ya beşek ji hevpeymaniya ku di vî şerî de NAZÎ ya Almanya têk birî ye, dibe ku welatê herî zêde ji şer bandor bûye e.
Ji ber ku piraniya şer li Rûsyayê bû.
Di Gulana 1945’an de, Almanya têkçûna li Ewrûpayê bi îmzekirina teslîmbûna bê şert û merc di Şerê Cîhanê yê Duyemîn de qebûl kir.
Vê belgeyê şerê li parzemînê rawestand.
Lê şerê bi Japonyayê re li Asyayê heta Tebaxa heman salê dom kir.
Di 8’ê Gulanê de li nêzî Berlînê peymana teslîmbûna mutleq hat îmzekirin.
Almanan bi saeta herêmî saet 23:01’an de hemû operasyonên xwe rawestandin.
Li Rûsyayê êdî nîvê şevê bû.
Ji ber vê sedemê li gelek welatên Ewropa û DYA’yê 8’ê Gulanê, li Rûsya, Sirbîstan û Belarûsê jî 9’ê Gulanê Roja Serkeftinê tê pîrozkirin.
Roja Serkeftinê nîşana şerekî dirêj û bi xwîn bû.
Heta despêka sedsala 21 li Rûsya ewqas girîngî bi vê rojê nedihat dayîn.
Lê bi rêveberiya Vladimir Putin ya li Rûsya re, girîngiyek zêde hat dayîn.
2020’an, pîrozbahiyên salvegera 75. a serkeftina di Şerê Cîhanê yê Duyemîn de ji ber pandemiya Covid-19 ji Gulanê heya dawiya Hezîranê hat veguheztin.
Wê demê merasîmeke bi heybet hat lidarxistin.
Bêtirî 20 hezar leşker, bi sedan balafir û wesayîtên zirxî beşdarî pîrozbahiyê bûn.
Artêşa Rûsyayê bi çekên nûjen ên di envantera xwe de hêza xwe nîşan da.
Û Rûsya ev çek li Ukraynayê piştî du salan bi kar anî.
Hin pispor dibêjin, artêşa Rûsyayê dixwaze pîrozbahiyên îsal veguherîne pîrozbahiyên ‘serkeftina şerê li Ukraynayê’.
Di dagirkeriyê de encamên bilez nehatin bidestxistin, wek girtina Kîev û hilweşandina Hikûmeta Ukraynayê.
Lê tê fikirîn ku fermandarên rûsî ji bo salvegera Roja Serkeftinê, 9’ê Gulanê, dehf dane.
Rêveberiya Moskow hewil dide serkeftinek ji şerê li Ukrayna, bike propaganda û di pîrozbahiyan de vê yekê derxe pêş.
