Li şûna ku şêniyên resen ên ku 3 sal in koçber in li warên xwe werin vegerandin, dewleta Tirk wê penaberên Sûrî li herêmên dagirkirî bi cih bike.
Koçberên Serê Kaniyê li dijî vê planê bihêrs in û banga vegera li warê xwe dikin. FILM
Ji malên wan derxistin û ew derbider kirin ji bo planên xwe yên qirêj pêk bîne.
Koçberên Serê Kaniyê ne.
Dewleta Tirk sala 2019 bajarê wan dagir kir û ew bi darê zorê derxistin.
Di 3 salên koçberiyê de her cure zehmetî kişandin, lê hêviya wan a vegerê qet qut nebû.
Piştî ewqas zehmetî û êşkişandinê, niha jî wê kesine din li warên wan bi cih bikin.
Helbet ê ku bi vê kirinê rabe jî, dewleta Tirk e ku bi sûcên xwe yên bi vî rengî êdî naskirî ye.
Ew dan koçkirin, malên wan dagir kirin û niha jî wê kesine din li şûna wan bi cih bike.
Li dijî van planan, koçber bihêrs in û bi tundî red dikin.
Ev Sûriya Mihemed e, koçberek ji Serê Kaniyê ye wiha li dijî plana Tirkiyê helwest nîşan da.
Koçbera ji pêkhateya Ereb Kewser Îsa jî ev plan bi tundî red kir û ev daxwaz kir:
Em dixwazin li cih û bajarê xwe vegerin.
Bila li vî gelî û van zarokan temaşe bikin.
Çi gunehê wan e!
Tên koçkirin û ji cihê xwe tên derxistin.
Em qebûl nakin
Vê mijarê tev bila betal bikin.
Em qebûl nakin, dixwazin her kesek li cih û warê xwe vegere.
Koçberê bi navê Xidir Xabûr jî ku ji êzidiyên Serê Kaniyê ye wiha nerazîbûn nîşan da:
Bi vî awayî koçberên Serê Kaniyê projeya bicihkirina penaberan di malên xwe de red dikin û li dij derdikevin.
Ew dibêjin, dewleta Tirk bi vê palnê dixwaze demografiya herêmê biguherîne û dagirkirina xwe li Sûriyê mayinde bike.
