Fermandara YJA Starê Hêzil Ozgur peyam ji bo gerîllayên li qadên Zap û Avaşînê şand û tê de got;
“Hêza me heye. Divê em wisa li dijmin bikin ku nikaribe yek gavê jî biavêje!”
Li ser tevgera dagirkeriya Tirk a li dijî herêmên Zap û Avaşînê, Ji fermandarên YJA Starê Hêzil Ozgur, bi rêya cîhaza ragihandinê ji bo gerîllayên di çeperan de, axivî.
Hêzil Ozgur bi bîr xist ku ji 14’ê Nîsanê ve êrişên dijwar dewam dikin û got;
Artêşa dagirker a bi teknîka xwe bawer, hewl da bi derbên destpêkê re qadên me bi dest bixe. Lê belê welê nebû.
Ji ber vê yekê wezîrê wan ê parastinê neçar ma daxuyaniyê bide û îdîa kir ku planên wan ên yekemîn, duyemîn û sêyemîn hene.
Ya ku hiştî planên dagirkeran tevlîhev bibin, berxwedana gerîlla bû.
Hê di kêliyên pêş de dijmin li xaka Zap û Avaşînê şok bû.
Gelek kuştî û birîndarên wan hene. Ev yek bi saya bersivdayîna pêşî ya şehîd Şaristan û Mizgîn pêk hat.
Fermandara YJA-Starê anî ziman ku nabe tevgera dawî tenê weke êrişa li dijî Zap û Avaşînê were nirxandin û wiha dewam kir:
Ya niha tê kirin êrişeke topyekûn li dijî hebûna gelê Kurd e.
Yekane hêza ku li pêşiya wan dibe asteng gerîlla ye.
Ji ber vê yekê dijmin hemû hêza xwe ji bo tinekirina gerîlla bi kar tîne.
Dixwazin dorê li qadên me hemûyan bigirin, piştre gerîla tune bikin û herî dawî jî êrişî Rêbertiya me bikin.
Hêzil Ozgur diyar kir ku ji bo şikandina êrişên artêşa Tirk ew hesabê şerekî demdirêj dikin û got:
Gerîlla bi qasî dijmin, li Zap û Avaşînê li hemberî teknîka NATO’yê û xiyanetê jî şer dike.
Me dît bê çawa li Ukraynayê di nava çend rojan de bajar ser û bin kirin.
Di nava hefteyekê de xwe gihandin sînorê paytextê.
Lê belê dijmin li vê derê 26 roj in hîn nekariye bi pêş ve biçe.
Ev yek encama berxwedan û rêbaza lêdanê ya hevalan e.
Eger heval hemû huner û pisporiya xwe bi kar bînin, wê dijminê faşîst li vê xakê têk biçe.
Divê em hem li dijmin bixin û hem jî xwe biparêzin.
26 rojên me li pey xwe hiştîn, nîşaneya biryara me ya serkeftinê ye.
