Piştî ku dewleta Tirk bi hevkariya PDK’ê li dijî başûr êrişa dagirkeriyê da destpêkirin, dezgehên ragihandinê yên bi ser Berzaniyan jî li dijî tevgera Azadiyê, Rojava û Şengalê dest bi şerê taybet û propagandayên derew kirine. Dezgeha bi ser bi Mesrûr Berzanî ya navê K24, duh nûçeyek belav kir ku xwe dispêre Encûmena Asayîşa Başûrê Kurdistanê. Di vê nûçeyê de jî daxuyaniyek heye ku tê de 4 kesên li pêş Kamereyan qaşo li xwe mukur tên ew ser bi PKK’ê ve ne û amadekariya êrişa li dijî Dihokê kirine, hene.. Lê derket holê ku ev yek dîsa şanoyeke û kesên derxistine pêş kamereyan endamên PDK’ê ne.
PDK’ê him di aliyê bejahî û istîxbaratî bi dewleta Tirk re li dijî kurdan dixebite û him jî di aliyê çapemeniyê de ku nûçeyên derew belav dike dixwaze hêzên kurdistanî reş bike..
Çapemeniya ser bi Mesrûr Berzanî ku navê K24 li xwe dike, duh nûçeyek belav kir ku xwe dispêre Encûmena Asayîşa Herêma Kurdistanê…
Di vê nûçeyê de jî daxuyaniyek heye ku tê de 4 kesên li pêş Kamereyan qaşo li xwe mukur tên ew ser bi PKK’ê ve ne û amadekariya êrişa li dijî Dihokê kirine hene..
Qaşo Asayişa Herêmê ev grûp girtine û dest danîne ser hejmarek mûşekên wan ku plana wan ew bûye êrişî Bendava Duhokê, stasyona elektrîkê û çend cihên giştî û hêzên Pêşmergeyan bikin..
Lê zêde derbas nebû û derket holê ku ev kesên derdikevin û li pêşiya kamereyan qaşo li xwe mikur tê, endamên PDK’ê û alîgirên wê ne..
Di nava van kesan de yek bi navê Mesûd ku xwe dide naskirin heye.
Lê derket holê ku ev kes Pêşmergeyê PDK’ê ye û wêneyên wî li ser tevna civakî hatin parvekirin..
Ji wan kesan ê bi navê Xalid Berbiroş jî heye ku xwe wekî endamekî grûpa ser bi PKK’ê ve ku amadekarî dikir êrişa bi moşekan pêk bînin dide nasîn.
Lê derket holê ku ew kes jî ser bi PDK’ê ve ye û wêneyên wan jî li ser tevna civakî hatin parvekirin..
Ev nûçeyên bi vî awayî yên reşkirina hêzên Kurdistanî û tewanbarkirina wan bi êrişa li ser başûrê kurdistanê ne care yekê ye ku çapemaniya ser bi PDK’ê ve belav dike..
Lê dawiyê rastiya van nûçeyan derdikeve û armanca wê eşkere dibin…
Di 24 Nîsanê de jî kanaleke ser bi PDK’ê ve li ser navê encûmena Asayişa Herêma Kurdistanê dîmenek belav kir..
Di vî dîmenî de jî qaşo YPG’ê çek û maskên gazê ji bo PKK’ê bi riya hin gurûpan dişandin û hatin girtin…
Li ser vê yekê, Berdevkê YPG’ê Nûrî Mehmûd wê demê daxuyaniyek da û ev yek derewand.
