Hejmara kesên ku neçar in di nav sînorên welatê xwe de koçber bibin bi lez zêde dibe. Li gorî raporekên rêxistinên rewşa koçberiyê dişopînin, bêtirî 59 mîlyon mirov neçar man ku malên xwe biterikînin û di nav sînorên welêt de koçber bibin.
Not: dikarin dimenên koçberiya ji ber şerê li Etiyopya, Yemen û giştî koçberan dênin
Şer û karesatên xwezayî sala borî bû sedema koçberbûna bi milyonan kes di nav sînorên welatên xwe de.
Di rapora sala 2021’ê ya ku ji aliyê Navenda Çavdêriya Koçberiya Navxweyî (IDMC) û Ajansa Penaberan a Norwêcê (NRC) îro hat weşandin, hat diyarkirin ku li seranserê cîhanê bi qasî 59,1 milyon kes neçar mane ku ji cihê rûniştina xwe derkevin û di nav sînorên welêt de koçber bibin.
Her wiha hat destnîşankirin ku ji ber şerê Ukraynayê di sala 2022’an de tê pêşbînîkirin ku hejmara kesên koçber bûyîn zêdetir bibe.
Li gorî raporta navborî, sala borî hejmara herî zêde ya koçberiya navxweyî ku ji bo welatekî li başûrê parzemîna Afrîka hatiye dîtin.
Bêtirî 5 mîlyon mirovên li Etiyopyayê ku ji ber şerê leşkerî yên li herêma Tigray ya li bakurê welêt û her weha ziwabûna dijwar, neçar man koçber bibin.
Di raporê de hat destnîşankirin ku koçberiya navxweyî li Komara Demokratîk a Kongo, Efxanistan û Myanmarê jî êzde bûye.
Hejmara koçberiya navxweyî ya herî kêm a van deh salên dawî li Rojhilata Navîn û Bakurê Afrîkayê hatiye tomarkirin.
Lê li welatên weke Sûriye, Lîbya û Iraqê ev jimar hîn zêde ye.
Di sala 2021’an de, piraniya koçberên li Çîn, Fîlîpîn û Hindistanê ji ber felaketên xwezayî pêk hatine.
Di raporê de jî hat xuyakirin ku her sala derbas dibe jimara pêla koçberiyê bêtir dibe.
Rêjeya ku di sala 2021’an de hatiye diyarkirin, weke duyemîn rêjeya herî zêde ya deh salên dawî hatiye tomarkirin e.
Asta herî bilind a ku heya niha gihîştiye sala 2020’an bû.
Sekreterê Giştî yê NRC Jan Egeland got, “Cîhan hildiweşe.”
Rêvebira IDMC Aleksandra Bilak pêşbînî kir ku sala 2022 jî neyînî be.
Li gorî daneyên Neteweyên Yekbûyî (NY) ji ber êrîşa Rûsyayê ya du meh berê ya li ser Ukraynayê zêdeyî 8 milyon kes neçar man ku li hundirê welat koçber bibin.
