Serokê DYA’yê Biden bi lîderên Swêd û Fînlandiyayê re hevdîtin pêk anî, got;
Her du welat ji bo endamtiya NATO’yê şert û mercan pêk tînin.
Serokên Swêd û Fînlandiyayê jî peyama diyalogê dan Tirkiyeyê.
Sekreterê Giştî yê NATO Stoltenberg jî got,
Ez di wê baweriyê de me ku em ê di NATOyê de bi lez bigihin biryarekê.
Serokê Amerîkayê Joe Biden li Koşka Spî bi serokên Swêd û Fînlandiyayê yên ku ji bo endamtiya NATOyê serlêdana kiribûn re hevdîtinek pêk anî.
Biden wiha got,
Her du welatan ji bo bibin endamên NATOyê ji şert û mercên bêtir” bicih anîne.
Hebûna du endamên nû yên NATOyê li bakur, wê ewlehiya hevpeymaniya me zêde bike.”
Biden bal kişand ser dijberiya Rûsyayê jî û ev tişt anî ziman:
“Tevlîbûna endamên nû yên NATOyê ji bo tu welatekî xeternak nîne, qet nebûye.
Amerîka û hevalbendên wê “wê her êrîşeke ku di dema pêvajoya endambûna Fînlandiya û Swêdê de çêbibe, asteng bikin û li dijî wê derkevin”.
Niinisto: Em ji danûstandinên bi Tirkiyê re vekirî ne
Serokomarê Fînlandiyayê Sauli Niinistö jî li ser dijberiya Tirkiyê ya li dijî pêvajoya endamtiya NATOyê daxuyanî da.
Sauli Niinistö got, eger welatê wî bibe endamê NATOyê, ewê di ewlekariya tirkiyê de piştevaniyê bikin.
Niinistö anî ziman ku ew amade ne fikarên Enqereyê çareser bikin û wiha domand:
“Fînlandiyayê her tim bi Tirkiyeyê re xwedî têkiliyeke dualî ya serbilind û baş e.
Dema ku em bibin hevalbendên NATOyê, wê ewlekariya Tirkiyê bibe hevkariya me.”
Andersson: Dagirkeriya Rûsya xala vegerê bû
Serokwezîra Swêdê Magdalena Andersson jî got,
Ji bo çareserkirina hemû pirsgirêkan wan serî li Tirkiye û endamên NATOyê dane.
Piştî 200 sal bê alîgiriya leşkerî, Swêd rêyeke nû hilbijart.
Andersson êrîşa Rûsyayê ya li ser Ukraynayê weke “xala vegerê” bi nav kir û wiha got:
“Hikûmeta min gihîştiye wê encamê ku ewlekariya gelê Swêdê herî baş di nava hevpeymaniya NATOyê de tê parastin.”
Stoltenberg: Ez bawerim ku wê NATO biryareke bilez bide
Sekreterê Giştî yê NATOyê Jens Stoltenberg piştî ku Tirkiye pêvajoya serlêdana endamtiya Swêd û Fînlandiyayê asteng kir, cara yekem li ser mijarê de daxuyanî da.
Stoltenberg got,
Em di wê baweriyê de ne ku di derbarê endamtiya Swêd û Fînlandiyayê de ku Tirkiye wê asteng kiriye, biryareke lez bê dayîn.
Almnaya û Hollanda piştevaniya endamên nû yên NATP kirin
Serokwezîrê Hollanda Mark Rutte û Serokwezîrê Almanya Olaf Sholz doh bi daxuyaniyeke çapemeniyê piştevaniya welatên xwe ji bo endamtiya herdû welatan a NATO dan.
