Piştî rawestana du salan a ji ber pandemiya Covid-19, Civîna Bilind a Davosê ya Foruma Aborî ya Cîhanê (WEF) despê dike.
Di lutkeya ku wê 22 heta 26’ê Gulanê pêk were de, şerê li Ukrayna, krîza aborî ya piştî pandemî û avhewa wê were nîqaşkirin.
Ji bo civînê ji Rûsya ti şandeyek nehatiye vexwendin.
Li Davosê amadekariyên civîneke berfihre dihat kirin.
Piştî lutkeya herî dawî ya Çileya 2020’an, civîn bi rojeva êrişa Rûsya ya ser Ukrayna û krîza aborî ya piştî pandemiyê derketî ye.
Klaus Schwab, yek ji damezrînerên Forumê, di axaftina xwe ya vê hefteyê de destnîşan kir ku lûtke di “demek pir girîng û rast” de dest pê kir.
Schwab bal kişand ku êrîşa Rûsyayê wê di pirtûkên dîrokê da wek “hilweşîna” nîzama piştî Şerê Cîhanê yê Duyemîn were dîtin û got,
“Davos ji bo ji nûve avakirina Ûkraynayê û piştgirîkirina welêt, wê hemû rê û rêbazan bikar bîne.”
Di vê çarçoveyê de yekem axaftvan di roja vekirina lûtkeyê de wê Serokê Ukraynayê Volodymyr Zelensky be.
Davosa ku wê mazûvaniya heyeteke mezin a Ukraynayê bike, îsal wê tu beşdarên Rûsya lê amade nebin.
Rûsya ji bo lutkeya davosê nehat vexwendin
Serokê Forûma Aboriyê ya Cîhanê WEF Borge Brende di şîroveya xwe de ku “biryareke baş bû ku gazî Rûsan neyê kirin” got,
“Lêbelê em hêvî dikin ku di salên pêş de Rûsya ji bo pêkanîna erkên xwe yên navneteweyî û pabendbûna peymana Neteweyên Yekbûyî rêyek cûda hilbijêre.”
Her çend Ukrayna di lûtkeyê de di serê mijarên rojevê de be jî, mijarên wekî guherîna avhewayê heta bihabûna zêde ya enerjiyê, krîza xurekan a cîhanê, newekheviya zayendî, futbol û Metaverse jî wê bên nîqaşkirin.
Di lûtkeyê de, 50 serokên dewlet û hikûmetan wê de beşdar bibin.
Bi giştî 2 hezar û 500 beşdar, tevî rêveberên payebilind ên şîrketên mezin, wê amade bibin.
Rastiya ku serokên DYA û Çînê wê beşdarî lûtkeya îsal nebin, teza ku forumê populerbûna xwe ya berê winda kiriye xurtir dike.
