Li 23 welatan 328 kes bi vîrûsa Meymûnê ketine

Vîrûsa Meymûnê di nava bêdeniyê de li cîhanê belav dibe.
Di nava hefteyên dawiyê de, despêkê Ewropa vîrûsa Meymûnê li gelek welatan hate dîtin.
Rêxistina Tendûrisiyê ya Cîhanê (WHO) ragihand ku heta niha vîrûs li 23 welatan hatiye dîtin.
Û ji derveyî daneyên li parzemîna Afrîka heta niha vîrûs li ser 328 kesî hatiye dîtin.

Ji ber şer û aloziyên siyasî, vîrûsa meymûnê di nava bêdengiyê de li cîhanê belav dibe.

Rêxistina Tendûrisiyê ya Cîhanê (WHO) derbarê vîrûsê gula Meymûnê de agahiyên dawiyê parve kir.

Li gorî rapora rêxistinê, heta 26’ê Gulanê ji 23 welatan vîrûs li ser 257 kesî hatiye dîtin.

120 kesên bigunam jî lêkolînên derbarê wan de didomin.

Rêxistinê ragihand ku ji 5 welatên Afrîkayê ku nexweşiya Vîrûsa Meymûn (Monkeypox) lê hevpar e hezar û 365 bûyer û 69 mirin hatine ragihandin.

Hat eşkerekirin ku ev bûyer ji nîvê Kanûnê heta dawiya Gulanê hatine ragihandin.

Her ku şopandina vîrusê berfireh dibe, daneya pêketinê jî zêde dibin.

Ajansê hişyarî da ku her çend xetera tenduristiya gelemperî ya gerdûnî niha normal e, ger vîrus di nav zarokên piçûk û mirovên bêhêz de belav bibe ev metirsî dikare zêde bibe.

Ji welatên endamên WHO hat xwestin ku “agahiyek rast bidin mirovên di xetereya bilind a girtina vîrusa meymûnê de”, “pêşî belavbûna vîrusê di nav komên xeternak de bigirin” û “karkerên tenduristiyê yên ku li qadê dixebitin ji bo têkoşîna li dijî vîrusê biparêzin”.

Herî dawî îro hat ragihandin ku li Îngilistanê 71 kesên din bi vîrûsa meymûnê ketine.

Bi vê yekê re jimara kesên li welat ku vîrûs li ser wan hatî dîtin derket 197’an.

Li Awistrya, Belçîka, Fransa, Fînlandiya, Swîsre, Îsraîl, Îtalya û Awistralya û welatên din ên ku vîrus lê tê dîtin, hejmara bûyeran di binê 10 de ye.

Vîrûsa meymûnê ya ku li Afrîkayê hat dîtin û dem bi dem ji parzemînê derdiket, herî dawî 6’ê Gulanê li Îngilistanê hat dîtin.

Piştre jî ev vîrûs li welatên Ewropayê belav bû.

Nexweşî dibe u di navbera 2 û 4 hefteyan de dewam bike.

Di vê pêvajoyê de, dibe ku li ser laş deq û birîn çêbibin.

Back to top button