Siyasetmedar û nivîskar Eyûb Barzanî û Pêşmergeyê Dêrîn û, aliyên başûr li dijî dagirkeriya dewleta Tirk û hevkariya PDK’ê derketin..
Hat gotin, “PDK’ê başûrê Kurdistanê radestî Tirkiyê kiriye, Armanca dewleta Tirk ne tenê PKK ye; dixwaze Kerkûk, Hewlêr û Mûsilê beriya 2023’an dagir bike..
Siyasetmedar û nivîskar Eyûb Barzanî û Pêşmergeyê Dêrîn Mam Hazim jî di nav de, aliyên başûrî li dijî dagirkeriya dewleta Tirk û hevkariya PDK’ê derketin..
Pêşmergeyê Dêrîn Mam Hazim li dijî êrişên Dewleta Tirk helwest nîşan da.
Mam Hazim dibêje :
“Mesele ne PKK ye.
PKK hincet e. Planên Mezintir li ser Kurdistanê hene
Dixwazin sînorê Mîsaqî Mîllî bigirin. ”
Eyûb Barzanî: PKD’ê herêma Kurdistanê radestî Tirkiyê kiriye
Siyasetmedar û nivîskarê Kurd Eyûb Barzanî diyar kir ku ev êriş û dagirkeriyê ne niha dest pê kiriye û got:
“Ev bi dehan sale êriş û dagirkeriya dewleta Tirk li ser xaka Kurdistanê heye.
Niha dagirkerî berfirehtir kirine û bi dijwarî êriş dikin.
PDK’ê jî Herêma Kurdistanê radestî dewleta Tirk kiriye.
Êdî biryarên Hewlêrê dewleta Tirk digire.”
Eyûb Barzanî: Ger PKK’ê nebûya wê rewşa me karesat bûya
Li ser pirsa PDK’ê çima hevkariya dewleta Tirk dike jî Eyûb Berzanî got:
“Li gor min heta ku ev desthilat hebe, wê ti aramî li Başûrê Kurdistanê çênebe.
Dewleta Tirk ji ber berjiwendiyên xwe, nahêle ev desthilata Başûr bikeve.
Ger PKK nebûya rewşa me karesat bû.
Berxwedana PKK’ê ya li Başûr û Şengalê destaneke.
Dewleta Tirk ji hêza PKK’ê ditirse û dixwaze şerekî mezin di nava Kurdan de bide destpêkirin.”
Aktîvîst Hogir Selîm: Armanca Tirkiyê dagirkeriya demdirêj e
Aktivîst Hogir Selîm jî diyar kir ku êrişên artêşa Tirk ên li ser Behdînanê gihiştiye qonaxek metirsîdar.
Hogir Selîm got:
“Artêşa Tirk hewil dide li devera Behdînan baregehên xwe yên leşkerî zêdetir bike û xwe mayînde bike..
Bi vê riyê dixwaze dest bide ser xaka Başûrê Kurdistanê..
Çalakvan Hogir Selîm di dawiyê de got:
“Divê hikûmeta Iraq û Herêmê bêdeng nebin.
Tişta ku dewleta Tirk dike, bêrêziya li beramberî xaka Kurdistan û Iraqê ye.”
Oxiz Beg: Ji ber me xiyanet qebûl nekir em dibin hedef
Kesayetiyê naskirî yê herêma Biradostê û Fermandarê Berê yê YNK’ê Oxiz Beg jî eşkere kir ku dewleta Tirk ji wî xwestin baregehên gerîla ji wan re eşkere bike û got:
“Me ew daxwaza dewleta Tirk red kir, ji wê demê ve dijminahiya me dike û lewra xaniyê min topbaran kirin..
Ji ber ez radestî Tirkiye û PDK’ê nebûm, wiha kirin. Ez ne amadebûm xiyanetê bikim û radestî wan bibim.”
Oxiz Beg diyar kir ku xelkê Biradost ji ber xiyanetê nakin, nabin destkêşê dijminan, dibin hedef û wiha domand:
“Armanca Tirkiye Kurdin, ne tenê PKK ye. Ji ber ez Kurdim û xiyanetê nakim, dibim hedef.”
Şandeya Aştiyê a 7 kesan serdana aliyên Başûr kir
Li aliyê din şandeya Aştiyê ya 7 kesî ku ji pîşe û netewên cuda pêktê jî ji bo êrîşên dewleta Tirk ên li ser Kurdistanê bên raswestandin li Başûrê Kurdistanê ye.
Şandeya Aştiyê ku destpêkê gihîşte Hewlêrê, duh li gel Bizûtneweya Demokratîk, Hizba Komunîsta û Hizba Zehmetkêşan hevdîtin pêk anî.
Di hevdîtinan de van partiyan diyar kir ku ew qet nabin alîgirên dewleta Tirk û ew ji bo xebatên Kongreya Netewî ya Kurdistanê amade ne..
