Di demekê ku Serokê rejîma Tirkiyê Erdogan gefên li ser herêmê zêde kiriye, NY li ser alîkariya bo herêmê hesaban dike.
Sekreterê Giştî yê NY Guterres bang li Konseya Ewlekariyê ya NY kir ku rê ji bo oparasyoneke dij-sînor neyê dayîn û got: Em ê dest ji gelê Sûriyê bernedin.
Sekreterê Giştî yê Neteweyên Yekbûyî (NY) Antonio Guterres di civîna Konseya Ewlekariyê ya NY a derbarê rewşa mirovî li Sûriyê de axivî.
Antonio Guterres teqezî li ser giringiya şandina alîkariyên ji bo bi mîlyonan xelkê bakur-rojavayê Sûriyê kir.
Guterres bang li Konseya Ewlekariyê kir ku bernameya NY ya ku alîkariyê dide gelên li vê herêmê salek din dirêj bike û got,
“Em nikarin dev ji gelê Sûriyê berdin.”
Bernameya NY ya destûrê dide alîkariyên ji bo herêma bakur-rojava ya di bin kontrola çeteyên dewleta Tirkiyê de ye, 10’ê Tîrmehê bidawî dibe.
Rêgiha ji bo şandina alîkariyê jî dergehên li ser sînorê Tirkiyê hate nîşandan.
Rûsya ya piştevaniya hikumeta Şamê dike, ji vê bernameya alîkariyê nerazî ye.
Moskow dibêje di vê alîkarî ji nava Sûriyê bo welatiyan were belavkirin.
Lê aliyên dijber bi fikar in ku di vê rewşê de, xwarin û alîkariyên mirovî yên din wê bikeve bin kontrola hukûmeta Şamê û ev yek wê rewşê aloztir bike.
Guteres bo Konseya Ewlekariy ya NY: Li dijî oparasyoneke der-sînorî rawestin
Guterres li Konseya Ewlekariyê ya NY got,
“Ez ji endamên meclîsê daxwaz dikim ku li dijî oparasyoneke der-sînorî rawestin.
Pêdiviya exlaqî ye ku em êş û mexdûriyeta 4.1 milyon mirovên li herêmê yên ku pêwîstiya wan bi alîkarî û parastinê heyî bê berçavgirtin.”
Guterres diyar kir ku li bakurê rojavayê Sûriyê ji sedî 80 jin û zarok in.
Sekreterê giştî yê NY: Mehane 800 kamyon alîkarî tê şandin
NY dixwaze saleke din jî bernameya alîkariya ku mehane 800 barhilgir bo Sûriyê têne şandin, were dirêjkirin.
Ji bo dirêjkirina bernameya alîkariyê pêwîstî bi erêkirina herî kêm 9 endamên Konseya Ewlekariyê ya NY heye.
Tevî vê pêwiste, yek ji pênc endamên daîmî (Amerîka, Rûsya, Çîn, Fransa û Brîtanya) biryarê veto nekin.
2014’an, Konseya Ewlekariyê ya NY destûr da ku alîkariyên mirovî bi rêya du deriyên sînorî yên Tirkiyê, herwiha Iraq û Urdunê derbasî navçeyên di bin kontrola muxalîfên li Sûriyê de bibin.
Lê piştî nerazîbûnên Rûsya û Çînê, xalên derbasbûnê di Deriyê Sînor ê Bab El Hewa yê li Tirkiyê re hatin sînorkirin.
Alîkariya ku di vir re tê şandin, ji aliyê çeteyên dewleta Tirkiyê ve tê talankirin.
Xelkê Sûrî qet ji vê yekê sûdê wernagirin.
Li herêmên Rêveberiya Xweser ku nêzî 5 milyon şênî lê ne daxwaza vekirina deriyê Til Koçer yê bi Iraqê re tê kirin.
Lê ev daxwaz ji aliyê Rûsya ve tê astengkirin.
