Lîderên NATO xwe ji bo civîna sibe wê li Spanya were lidarxistin xwe amade dikin.
Beriya civîna li paytext Madrîdê, wê Serokomarê Tirkiye Erdogan bi lîderên Swêd û Fînlandiya re bicive.
Li dijî vetoya Tirkiyê di nava hevalbendên NATO yê de, dengên nerazîbûnê bilind dibin.
Fransa jî wê ji Tirkiyê bixwaze ku helwesta xwe zelal bike.
Hewldanên Swêd û Fînlandiyayê yên ji bo qanihkirina Tirkiyê ya ji bo endamtiya NATOyê dewam dikin.
Lê nepêkane ku di civîna bilind a NATOyê ya ku sibê li Madrîdê tê lidarxistin de lihevkirinek derkeve holê.
Berdevkê Serokomariya Tirkiyê Îbrahîm Kalin ji raya giştî re ragihand ku Serokomarê rejîma Tirkiyê Recep Tayyîp Erdogan li ser daxwaza Sekreterê Giştî yê NATOyê Jens Stoltenberg, wê beriya lûtkeyê bi Serokomarê Fînlandiyayê Sauli Niinistö û Serokwezîra Swêdê Magdalena Andersson re bicive.
Serokomariya Fînlandiya jî ev hevdîtin bi daxuyaniyeke li ser hesabê xwe yê Twîtterê piştrast kir.
Kalin careke din eşkere anî ziman ku daxwazên wan ji van welatan pêkanîna zexta li ser gelê kurde.
Her wiha wê zextê li van welatan bike ku pêşengên gelê Kurd yên li van welatan redestî wan were kirin.
Bi taybet jî ev zext wê li ser Swêdê pêk werin.
Rayedarekî din ê ku nexwest navê xwe eşkere bike, diyar kir ku di belgeya ku tê de daxwazên Tirkiyê û sozên Swêd û Fînlandiyayê cih digirin de çend xal hene ku bi temamî li ser li hevkirin pêk nehatiye.
2019’an Swêd û Fînlandiya li dijî êrişên dagirkeriya dewleta Tirk li ser xaka Sûriyê pêk anîn bertek nîşan dabûn.
Welatên navborî firotina çekan ya bo Tirkiyê sînordar kiribûn.
Rayedarekên Tirk bi xwe ji derxistina encamekê ji lûtkeya NATO yê zehmet dibînin.
Dîplomatekî rojavayî îşaret bi hawîrdora hilbijartinê ya li Tirkiyê kir û diyar kir ku bi îhtimaleke mezin Erdogan di dawiyê de wê piştgiriyê bide serlêdanên endamtiyê û wê vê yekê jî wekî serkeftinekê nîşanî hilbijêran bide.
Li gor Koşka Serokomariya Fransayê, Emmanûel Macron jî wê di civîna lîderên NATO ya 28’ê Hezîranê de ji Tirkiyê bixwaze ku helwesta xwe ya di bin banê NATO’yê de eşkere bike.
