Ukrayna li pêşberî Rûsya êdî dest bi windakirina parçeyên mezin ji xaka welat kiriye.
Rojhilatê Ukrayna hema bêje giştî ketiye bin kontrola Rûsya.
Herî dawî artêşa Rûsya bajarê Lîsîçanskê jî kontrol kirin.
Bi vêre hema tevahiya herêma Donbasê hat kontrolkirin.
Ukrayna di meha 5 a şerê li dijî Rûsya de, xaka rojhilatê welat winda dike.
Herî dawî artêşa Rûsya bajarê Lîsîçanskê kontrol kir.
Wezîrê Parastinê yê Rûsya Sergey Şoygu ev agahî dema hevdîtina xwe ya li gel serokê welat Vladimir Putin de anî ziman.
Her çiqasî rêveberiya Kîevê di despêkê de ev agahî red kirin jî lê piştre li windakirina bajar mikur hat.
Li aliyê din Ukraynayê daxuyand ku vekişîn taktîkî ye.
Serokomarê Ukraynayê Volodymyr Zelensky soz da ku ew ê xaka ji aliyê Rûsya ve hatiye kontrolkirin, vegerînin.
Kîev di daxuyaniyekê de got,
Hêzêm me, bi piştevaniya çekên nûjen yên ji welatên Rojavayî hatine girtin wê dest bi êrişeke nû ya dijwar bikin.
Zelensky got,
“Em ê xaniyan ji nûve ava bikin, em ê axa xwe ji nû ve bi dest bixin.
Beriya her tiştî divê mirov bên parastin.”
Rêveberiya Kîevê îdia kir ku di êrişên Rûsya de, sivîl têne armanckirin.
Di demekî ku Kîev planên vegera li van banarên lê têkçûyî dike de, hêzên Rûsya û Çeçen li nava bajarê Lîsîçanskê alên xwe bilind dikin.
Ukrayna: Tirkiye keştiya Rûsya ya bi genimê me barkirî desteser kir
Li aliyekî din, rêveberiya Ukrayna li dijî genimê wan yê ku Rûsya bi keştiyan ji bendera wê derxistiye jî bertek nîşan dide.
Rêveberiya Kîevê ji Tirkiyê xwestibû ku dest dêne li ser keştiya ji genim barkirî.
Di vê navberê de, balyozê Ukrayna yê li paytexta Tirkiye Enqerê ragihand ku Tirkiye dest daniye ser keştiya genim.
Welatên rojavayî Rûsya bi sedema krîza xwarinê ya li cîhanê tewambar dikin
Wezîrê Derve yê Tirkiyê Mevlût Çavuşoglu 23’ê Hezîranê derbarê genimê ku ji ber dorpêça Rûsyayê ji benderên Ukraynayê derneketibû de got,
“Em jî li dijî firotina neqanûnî ya kelûpelên Ukraynayê li bazara navneteweyî ne û wê rê nedin li Tirkiyê were firotin.”
Welatên rojavayî Rûsyayê tawanbar dikin ku bi rêgirtina Ukraynayê ji hinardekirina genim dibe sedema krîza xwarinê ya cîhanî.
Moskow jî sedema vê yekê bi cezyên ji aliyê Rojavayî ve li ser wê hatî ferzkirinê nîşan dide.
